चंद्रपुरात दुचाकीस्वारावर बिबट्याचा हल्ला
🖋️ मीडियावार्ता वृत्तसेवा
📱 8830857351
चंद्रपूर : 22 सप्टेंबर
दुचाकीने जात असताना बिबट्याने
हल्ला केल्याने दोघे किरकोळ जखमी झाले. ही
घटना पद्मापूर वेकोलि उपक्षेत्रीय प्रबंधक
कार्यालयासमोर शनिवारी सकाळी 6 वाजेच्या
सुमारास घडली. प्रज्ज्वल गिलबिले व अन्य एक अशी
जखमीचे नावे आहे. ऊर्जानगर नेरी येथील प्रज्वल
गिलबिले हे वडिलांना घेऊन दुचाकीने
भटाडी कोळसा खाणीकडे जात होते.
पद्मापूर कोळसा खाण उपक्षेत्रीय प्रबंधकाच्या
कार्यालयासमोर बिबट्याने त्यांच्या दुचाकीवर हल्ला केला. या हल्ल्यात प्रज्ज्वल यांच्या दोन्ही हाताला व त्यांचा वडिलांना पाठीवर बिबट्याने ओरबडून जखमी केले. या परिसरात एक बिबट व दोन बछड्यांचा वावर आहे. याच परिसरातून सात वर्षीय बालकाला बिबट्याने शुक्रवारी
सायंकाळी उचलून नेले होते. याच परिसरात
हल्ल्याची घटना घडल्याने येथील नागरिकांमध्ये दहशत
पसरली आहे.
