सिंदेवाही पोलीस ठाणे अंतर्गत पोलीस स्थापना दिन सप्ताह साजरा
जितेंद्र नागदेवते
सिंदेवाही तालुका प्रतिनिधी
मो 8806689909 :-
सिंदेवाही :- पोलीस ठाणे सिंदेवाही अंतर्गत आज दिनांक 05/01/2025 रोजी पोलीस स्थापना दिन सप्ताह (रेझिंग डे) निमित्ताने तुलसी लॉन सिंदेवाही येथे मा.. मुमक्का सुदर्शन पोलीस अधीक्षक चंद्रपूर जिल्हा, मा. रीना जनबंधू पोलीस उपअधीक्षक चंद्रपूर जिल्हा यांचे संकल्पनेतून व मा. दिनकर ठोसरे उपविभागीय पोलीस अधिकारी ब्रह्मपुरी यांचे मार्गदर्शनाखाली, शालेय विद्यार्थी व शिक्षक तसेच पोलीस ठाणे सिंदेवाही अंतर्गत येत असलेले पोलीस पाटील यांची एक दिवसाची कार्यशाळा घेण्यात आली.
सदर कार्यशाळेचे अध्यक्ष व प्रमुख मार्गदर्शक म्हणून मा. विजय राठोड सर पोलीस निरीक्षक पोलीस ठाणे सिदेवाही यांनी मार्गदर्शन करताना अल्पवयीन मुला-मुलीन संबंधाने वाढणारे गुन्हे तथा पोस्को कायद्याअंतर्गत घडणाऱ्या गुन्ह्यांबद्दल मार्गदर्शन केले. मा. गायकवाड मॅडम पोलीस उपनिरीक्षक पोलीस ठाणे सिंदेवाही यांनी कम्युनिटी पोलिसिंग अंतर्गत चालणाऱ्या पोलीस काका, पोलीस दीदी तसेच अल्पविन मुला – मुलीनं वर लैंगिक अत्याचारा संबंधाने मार्गदर्शन केले. मा. मुजावर अली सायबर पोलीस ठाणे चंद्रपूर त्यांनी वाढत चाललेल्या सायबर गुन्हे, हनी ट्रॅप, फेक कॉल वरून पैशाची उचल करणे, फेसबुक-इंस्टाग्राम आयडी हॅक झाल्यानंतर काय उपाययोजना करावी, या संबंधाने मार्गदर्शन केले. प्रमुख उपस्थिती मा. यादव मॅडम मुख्याध्यापक कन्या सर्वोदय विद्यालय सिंदेवाही. सिंदेवाही यांनी दर्शविली होती. कार्यक्रमाचे प्रास्ताविक मा सागर महाले पोलीस उपनिरीक्षक पोलीस ठाणे सिंदेवाही यांनी केले. कार्यक्रमाचे सूत्रसंचालन रणधीर मदारे (गोपनीय शाखा) पोलीस ठाणे सिंदेवाही यांनी केले. कार्यक्रमाचे आभार प्रदर्शन मा प्रेमनाथ ठाकर पोलीस उपनिरीक्षक पोलीस ठाणे सिंदेवाही यांनी केले.
सदर कार्यक्रमांमध्ये 30 ते 35 शिक्षक, 600 ते 700 विद्यार्थी तसेच 35 ते 40 पोलीस पाटील बंधू व भगिनी उपस्थित होते
