बोरघर गावामध्ये राष्ट्रध्वजाच्या अभिमानाने भारावलेली प्रजासत्ताक दिन सोहळ्याची दिमाखदार उत्सवमाला!
✍️निखिल सुतार ✍️
माणगांव तालुका प्रतिनिधी
📞 70839 05133📞
माणगांव : रा.जि.प. शाळा बोरघर येथे प्रजासत्ताक दिन सोहळा अत्यंत उत्साहात आणि भारावलेल्या वातावरणात साजरा करण्यात आला. सकाळी ७:०० वाजता गावातून प्रभातफेरीने कार्यक्रमाची दिमाखदार सुरुवात झाली. विद्यार्थी, शिक्षक आणि ग्रामस्थांनी या फेरीत सहभागी होत राष्ट्रभक्तीचे घोषवाक्ये गात सारा परिसर राष्ट्रभक्तीमय केला.
सकाळी ७:४० वाजता ध्वजरोहन मोठ्या उत्साहात पार पडले. हा सन्मान ज्येष्ठ पत्रकार विश्वास गायकवाड यांना लाभला. ध्वजरोहनानंतर राष्ट्रगीत गात प्रत्येकजण स्वातंत्र्य आणि एकात्मतेच्या भावनेने प्रेरित झाला. विद्यार्थ्यांनी सादर केलेले शिस्तबद्ध कवायत व्यायाम आणि पारंपरिक लेझीम नृत्याचे मनमोहक सादरीकरण उपस्थितांचे लक्ष वेधून घेतले.
कार्यक्रमाचे अध्यक्षस्थान राजाराम जाधव यांनी भूषवले. मान्यवरांचे स्वागत आणि सत्कार मुख्याध्यापक आवटे सर आणि सहशिक्षक ढोलेपाटील सर यांच्या हस्ते करण्यात आला. कार्यक्रमाचे नियोजन अतिशय प्रभावीपणे पूर्ण झाले.
यानंतर सकाळी ७:५० वाजता बालसभा आयोजित करण्यात आली होती. विद्यार्थ्यांनी आपल्या सादरीकरणाद्वारे भारतीय संविधानाचे महत्त्व आणि त्याचे प्रत्येकाच्या जीवनातील योगदान समजावून सांगितले. नंतर मान्यवरांचे प्रेरणादायी भाषण झाले, ज्यांनी सर्वांना नव्या ऊर्जा आणि राष्ट्रसेवेचे महत्व अधोरेखित केले.
प्रत्येक विद्यार्थी आणि शिक्षकासाठी मोठ्या उत्सुकतेचा भाग म्हणजे सकाळी ९:०० वाजता खाऊ वाटप. यानंतर १०:०० ते १२:०० या वेळेत झालेल्या क्रीडा स्पर्धांमध्ये विद्यार्थ्यांनी आपली कौशल्ये दाखवली. ग्रामस्थ मंडळ आणि महिला मंडळांनी या स्पर्धांना विशेष सहकार्य केले.
प्रत्येक क्षणी प्रजासत्ताक दिनाचे मौलिक महत्त्व अधोरेखित करणारा हा सोहळा भारावलेल्या वातावरणात संपन्न झाला. रा.जि.प. शाळेतील शिक्षकांनी, विशेषतः आवटे सर आणि ढोलेपाटील सर यांनी परिश्रमपूर्वक केलेल्या नियोजनामुळे हा कार्यक्रम यशस्वी झाला, असे ग्रामस्थ आणि उपस्थित मान्यवरांनी यथोचित कौतुक केले.
बोरघरवासीयांसाठी हा दिवस राष्ट्रभक्ती आणि ऐक्याचे प्रतीक ठरला.
