61 लाख 77 हजार 330 रुपयांच्या दारू वर चालवली रोड रोलर
✍️लुकेश कुकडकर✍️
गडचिरोली तालुका प्रतिनिधी
मो 8999904994
गडचिरोली : विविध पोस्टे येथे दाखल गुन्ह्यांमध्ये जप्त मुद्देमाल हा नाशवंत असल्याने तसेच नवीन कारवाई दरम्यान देखील मुद्देमाल जप्त होत असल्याने जागे अभावी दीर्घकाळापासून प्रलंबित मुद्देमाल जतन करुन ठेवणे अडचणीचे ठरत असते. यावरुन पोस्टे देसाईगंज येथील सन 2018 ते 2024 या कालावधीतील दाखल एकुण 520 गुन्ह्यांमधील महाराष्ट्र दारुबंदी कायद्यान्वये जप्त करण्यात आलेला मुद्देमाल 28 मार्च रोजी रोजी नष्ट करण्यात आला.
जिल्ह्यात दारुबंदी असताना अवैधरीत्या दारुची वाहतुक केली जाते. त्याअनुषंगाने पोलीस अधीक्षक नीलोत्पल यांचे आदेशान्वये जिल्ह्यातील अवैध दारु विक्री करणाऱ्यांवर कठोर कारवाई केली जाते.
न्यायालय व अधीक्षक, राज्य उत्पादन शुल्क, गडचिरोली यांचे परवानगीने 28 रोजी पोस्टे देसाईगंजचे पोलीस निरीक्षक अजय जगताप यांनी राज्य उत्पादक शुल्क, गडचिरोली विभागाचे दुय्यम निरीक्षक चंदन भगत व शु.के. चौधरी यांच्यासह पोस्टे देसाईगंज हद्दीतील विविध दारुबंदी गुन्ह्यातील जप्त मुद्देमाल नष्ट केला. ज्यात 1) विदेशी दारुच्या 180 मिलीच्या 2666 बॉटल 2) विदेशी दारुच्या 2 लिटर क्षमतेची 1 बॉटल 3) विदेशी दारुच्या 1000 मिलीच्या 6 बॉटल 4) विदेशी दारुच्या 90 मीली मापाच्या 62 बॉटल 5) विदेशी दारुच्या 375 मीली मापाच्या 7 बॉटल 6) देशी दारुच्या 180 मिलीच्या 28 बॉटल 7) देशी दारुच्या 90 मिलीच्या 101015 बॉटल 8) 650 मिली बिअरच्या 29 बॉटल 9) 500 मिली मापाचे बियरचे 245 टिनाचे कॅन 10) 330 मिली मापाचे बियरचे 48 बॉटल याप्रमाणे एकुण 61 लाख 77 हजार 330 रुपयांचा मुद्देमाल दोन पंचासमक्ष जेसीबिच्या सहाय्याने 15 बाय 15 फुटाचा खोल खड्डा खोदून रोड रोलरच्या सहाय्याने कडक व मुरमाड जागेवरती मुद्देमाल पसरवून काचेच्या व प्लास्टीकच्या बॉटलांचा चुरा करण्यात आला. त्यानंतर काचेचा चुरा व प्लास्टीकच्या चेपलेल्या बॉटल जेसीबीच्या सहाय्याने खड्ड्यात टाकून खड्डा पुर्ववत बुजविण्यात आला. सदर मुद्देमालाची विल्हेवाट लावताना पर्यावरणाची हानी होणार नाही याची पुर्णपणे दक्षता घेण्यात आली.
सदरची कारवाई पोलीस अधीक्षक नीलोत्पल, अपर पोलीस अधीक्षक (अभियान) यतिश देशमुख, अपर पोलीस अधीक्षक (प्रशासन) एम. रमेश तसेच उपविभागीय पोलीस अधिकारी, कुरखेडा रविंद्र भोसले यांचे मार्गदर्शनाखाली पोस्टे देसाईगंज येथील प्रभारी अधिकारी पोनि. अजय जगताप, सपोनि. प्रेमकुमार दांडेकर, श्रेणीपोउपनि. दुर्योधन सरपे, पोअं शैलेश तोरकपवार, पुंडलीक मानकर, सतीश बैलमारे यांनी पार पाडली.
