शिवकालीन घाटमार्गाच्या पूर्णतेसाठी मंत्री भरतशेठ गोगावले यांची ग्वाही; अन्य विकासकामांनाही मिळणार गती

शिवकालीन घाटमार्गाच्या पूर्णतेसाठी मंत्री भरतशेठ गोगावले यांची ग्वाही; अन्य विकासकामांनाही मिळणार गती

सिद्धेश पवार
पोलादपूर तालुका प्रतिनिधी
8482851532

पोलादपूर :- महाबळेश्वर तालुक्यातील पार्वतीपूर गावात शारदीय नवरात्र उत्सवानिमित्त भक्तीमय वातावरणात राज्याचे उद्योगमंत्री व महाड-पोलादपूर मतदारसंघाचे आमदार भरतशेठ गोगावले यांनी नुकतेच श्रीराम वरदानी मातेच्या दर्शनासाठी आगमन केले. यावेळी ग्रामस्थांनी पारंपरिक पद्धतीने ढोल-ताशा, फुलांचे हार आणि आतषबाजीसह त्यांचे जोरदार स्वागत केले.

या प्रसंगी डॉ. सुभाष सोंडकर, डॉ. प्रकाश सोंडकर, गणेश सोंडकर, देवस्थानचे विश्वस्त शंकर ढेबे, नितीन सोंडकर, शिवाजी राजापुरे गुरुजी, पत्रकार प्रकाश कदम, दीपक सोंडकर आदींसह गावातील अनेक महिला, युवक आणि ज्येष्ठ नागरिक उपस्थित होते.

ग्रामस्थांशी थेट संवाद, तीन प्रमुख मागण्या मांडल्या

दर्शनानंतर मंत्री गोगावले यांनी गावकऱ्यांशी संवाद साधत त्यांच्या अडचणी जाणून घेतल्या. यावेळी ग्रामस्थांनी खालील तीन महत्त्वाच्या मागण्या मांडल्या:

1. महाबळेश्वर–कुडपण रस्ता तातडीने पूर्ण करणे

2. पार-किनेश्वर ते पारघाट शिवकालीन घाटमार्ग पूर्ण करणे

3. श्रीराम वरदानी मंदिराच्या संरक्षक भिंतींचे काम मार्गी लावणे

शिवकालीन घाटमार्गासाठी ठाम ग्वाही

या मागण्यांना सकारात्मक प्रतिसाद देताना मंत्री गोगावले म्हणाले,

> “पार-किनेश्वर-पोलादपूर हा ऐतिहासिक शिवकालीन घाटमार्ग शक्य तितक्या लवकर पूर्ण करण्यासाठी मी स्वतः पुढाकार घेणार आहे. या रस्त्यामुळे अनेक दुर्गम गावांचा संपर्क सुलभ होईल तसेच पर्यटन आणि स्थानिक विकासालाही चालना मिळेल.”

इतर दोन कामांसाठी अन्य मंत्र्यांचे सहकार्य

महाबळेश्वर–कुडपण रस्ता आणि मंदिराच्या संरक्षक भिंतीच्या कामांबाबत, मंत्री गोगावले यांनी स्पष्ट केले की,

> “ही दोन्ही कामे लवकर मार्गी लावण्यासाठी सातारा जिल्ह्याचे पालकमंत्री शंभूराजे देसाई आणि सार्वजनिक बांधकाम मंत्री शिवेंद्रराजे भोसले यांचे सहकार्य घेणार आहे.”

ग्रामस्थांचा आनंद व समाधान

मंत्री गोगावले यांच्या स्पष्ट आश्वासनामुळे गावात समाधानाचे वातावरण आहे. खासकरून शिवकालीन घाटमार्गासाठी मिळालेली ग्वाही ही ग्रामस्थांसाठी विकासाच्या दिशेने एक महत्त्वपूर्ण पाऊल मानली जात आहे.
ग्रामस्थांनी मंत्री गोगावले यांचे मनःपूर्वक आभार मानत त्यांच्याकडून लवकरच कामांना गती मिळेल, अशी आशा व्यक्त केली आहे