जिल्हा परिषद शाळेवर वीज कोसळली तीन विद्यार्थी किरकोळ जखमी गोंडपिपरी तालुक्यातील राळापेठ येथील घटना

जिल्हा परिषद शाळेवर वीज कोसळली

तीन विद्यार्थी किरकोळ जखमी

गोंडपिपरी तालुक्यातील राळापेठ येथील घटना

शरद कुकुडकार
गोंडपिपरी शहर प्रतिनिधी
मो.न.9518727596

गोंडपिपरी:- आज दि.९ शनिवारी गोंडपिपरी तालुक्यात पावसाने दमदार हजेरी लावली मुसळधार पावसासह मोठ्या प्रमानात विजा कडाडत होत्या.
गोंडपीपरी तालुक्यातील राळापेठ येथील जिल्हा परिषद शाळेच्या इमारतीवर वीज कोसळली स्फोटासारखा आवाज आला ही थरारक घटना आज सकाळी १० वाजून ३० मिनिटांनी घडली.
सर्व शिक्षक ,विद्यार्थी,शाळेजवळील नागरिक भयभीत झाले सुदैवाने जीवितहानी झाली नाही.
या घटनेत अमर माधव राऊत (वर्ग चौथा),राशी विनायक ताजने वर्ग सातवा,निशांत अंगुलमान उराडे वर्ग सातवा हे तीन विद्यार्थी किरकोळ जखमी झाले.वीज कोसळल्याने शाळेतील सर्व लाईन टी व्ही ,पंखे,सर्व विद्युत उपकरणे जळून खाक होऊन लाखोंचे नुकसान झाले