राज ठाकरे शरद पवारांच्या भेटीला; तोडगा निघुन एसटी कामगारांचा संप मिटणार काय?
✒नीलम खरात ✒
मुंबई महानगर प्रतिनिधी
मुंबई:- महाराष्ट्रात माघील अनेक दिवसा पासून एसटी कर्मचा-याचे आंदोलन पेटले आहे. त्यात काही एसटी कर्मचाऱ्यांच्या आत्महत्येच्या केल्याचा घटना घडल्या आहेत. त्यामुळे प्रलंबित मागण्यांसाठी एसटी कर्मचाऱ्यांनी काम बंद आंदोलन पुकारले आहे.
हे आंदोलन थांबावे व एसटी कर्मचाऱ्यांनी कामावर रूजू व्हावे, असे सरकारकडून वेळोवेळी आवाहन केले जात आहे. मात्र, एसटी कर्मचारी आपल्या भूमिकेवर ठाम आहेत. परिणामी एसटी वाहतुक ठप्प झाली असून, सणासुदीच्या काळात सर्वसामान्यांना याचा फटका बसला आहे. या साऱ्या गोंधळादरम्यान एसटी कर्मचाऱ्यांचं प्रतिनिधित्व करणाऱ्या एका प्रतिनिधी मंडळाने महाराष्ट्र नवनिर्माण सेनेचे अध्यक्ष राज ठाकरे यांची मुंबईमधील निवासस्थानी भेट घेतली होती. यावर तोडगा काढण्याची मागणी कर्मचाऱ्यांनी राज ठाकरे यांना केली होती.
दरम्यान, या प्रश्नावर चर्चा करण्यासाठी मनसे अध्यक्ष राज ठाकरे शरद पवारांच्या भेटीसाठी सिल्व्हर ओकवर पाेहोचले होते. एसटी कर्मचाऱ्यांच्या मागण्यांसंदर्भात राज ठाकरे पवारांची भेट घेणार असून त्यांच्या सोबत मनसे नेते बाळा नांदगावकर, नितीन सरदेसाई आणि एसटी कर्मचारी संघटनेचं शिष्टमंडळ सुध्दा होते. त्यामुळे एसटी कामगारांचा संप मिटणार काय?, याकडे सर्वांचे लक्ष लागले आहे.
