क्षुलक कारणावरून एकाला चाकुने केले गंभीर जखमी
मालेगांव येथील घटना
वाशिम जिल्हा प्रतिनिधी
अजय उत्तम पडघान✍
🪀7350050548🪀
वाशिम /मालेगांव
येथील नागेश दत्ता कुटे या युवकाला दुसऱ्या दोघांनी क्षुल्लक कारणावरून चाकुने गंभीर जखमी केल्याची घटना २८ जुलै च्या रात्री साडे नऊ वाजताचे सुमारास घडली . जखमी ला वाशिम येथे जिल्हा सामान्य रुग्णालयात भरती करण्यात आले आहे .
नागेश कुटे यांनी दिलेल्या फिर्यादी नुसार तो व त्याचा मित्र सोनु बळी हे नागरतास बायपास वरील कैथल धाब्यावरून जेऊन मोटार सायकलने घरी येत असतांना निरज चौधरी व मनोज लोहार यांनी त्यांची गाडी थांबवली . ” तु माझ्या मित्राकडे माझी बदनामी का केली ” असे म्हणुन ते दोघे माझ्या अंगावर आले . त्यातील एकाने फिर्यादीस पकडुन ठेवले तर दुसर्याने त्यांच्या जवळील चाकु काढुन फिर्यादी च्या पोटावर , मानेवर व हातावर चाकुने वार केले . तेंव्हा फिर्यादी चा मित्र सोनु बळी याने सोडवा सोडव केली . त्यानंतर ते दोघे घटना स्थळावरू पळुन गेले . त्या जखमी अवस्थेत नागेश कुटे याला सोनु बळी याने पोलीस स्टेशनला आणले . पोलीसांनी मालेगांव येथील ग्रामीण रुग्णालयात त्यांना पाठवले असता डॉक्टरांनी त्यास वाशीम येथे जिल्हा सामान्य रुग्णालयात रेफर केले . फिर्यादी वरून व वैद्यकिय अहवालावरून पोलीसांनी वरील दोघां विरुध्द कलम ३२६ भादंवि नुसार गुन्हा दाखल केला असून पुढील तपास ठाणेदार किरण वानखेडे यांच्या मार्गदर्शनाखाली पोहेकॉ कैलास कोकाटे हे करीत आहेत .✍
