वेकोलिचे आभार मानण्याकरिता वेकोलिच्या हॉस्पिटल मध्ये हंसराज अहिर यांनी लस घेऊन कृतज्ञता व्यक्त केली.
कोरोना रुग्णांसाठी 100बेड जिल्ह्यात उपलब्ध करून दिल्याबद्दल आभारही मानले.
✒️मनोज खोब्रागडे✒️
चंद्रपूर जिल्हा प्रतिनिधी
चंद्रपूर:- आज वेकोलि वणी क्षेत्राच्या घुघुस येथील राजीव रतन हॉस्पिटल मध्ये पूर्व केंद्रीय गृहराज्यमंत्री हंसराज अहीर यांनी दुसरी कोरोना प्रतिबंधात्मक लस टोचून घेतली.
वेकोलिचे अध्यक्ष तथा प्रबंध निर्देशक मनोज कुमार यांनी पूर्व केंद्रीय गृहराज्यमंत्री हंसराज अहिर यांच्याशी चर्चेअंती दिलेल्या शब्दाप्रमाणे वेकोलिने जिल्ह्यात कोरोना संक्रमितांसाठी आपले जिल्ह्यातील चंद्रपूर क्षेतत्रीय हॉस्पिटल, वणी क्षेत्राचे राजीव रतन सेंट्रलहॉस्पिटल, माजरी क्षेत्रीय हॉस्पिटल व बल्लारपूर क्षेत्रीय हॉस्पिटल अशे चारही हॉस्पिटल उपलब्ध करून फार चांगले काम केले आहे यामुळे अहिर यांनी विशेषकरून वेकोलिच्या हॉस्पिटल मध्ये लस घेण्याचा कार्यक्रम आखला व तेथील वणी क्षेत्राचे महाप्रबंधक कावळे, मेडिकल ऑफिसर डॉ आनंद कुमार, सब एरिया सुजितकुमार पिसारुडी, डॉ सांबारकार, एस जी वैरागडे, डॉक्टर्स तसेच नर्सिंग स्टॉप यांच्या सत्काराचा कार्यक्रम घेऊन आभार मानले. कोरोना संक्रमितांसाठी जिल्ह्यात ऑसीजन व्यवस्थेसोबत 100 बेड पेक्षा अधिक बेड उपलब्ध करून वेकोलि कोरोना रुग्णांसाठी मदतीला उतरली आहे. याबद्दल वेकोलिचे सीएमडी मनोज कुमार यांचेही फोन करून आभार मानले.
तसेच वेकोलि मार्फत आपल्या मायनिंग क्षेत्रातील जवळपासच्या गावात आयसोलेशन केंद्र उभे करण्यात आले आहे आणि आतासुद्धा करीत आहे. पुन्हा आता लवकरच वेकोलीमार्फत जिल्ह्यात ऑक्सिजन लिक्विड प्लांट उभारण्यात येणार आहे.
यावेळी सोबत ज्येष्ठ बंधू हरिश्चंद्र अहिर, विजय राऊत, मधुसूदन रुंगटा, मीनाताई देशकर यांनी सुद्धा लस घेतली. यावेळी वणी क्षेत्राचे महाप्रबंधक कावळे यांनी सुद्धा लस घेतली. हंसराज अहिर यांनी वेकोलिच्या हॉस्पिटल मध्ये लस घेतल्याबद्दल जीएम आणि डॉक्टरांनी अहिर यांचे आभार मानले. यावेळी श्री संजय तिवारी यांची उपस्थिती होती.
