कारंजा येथे भरदिवसा 29.50 लाखाची धाडसी चोरी; 700 ग्रॅम सोन्यासह रोख रक्कम लंपास.
✒आशीष अंबादे ✒
वर्धा जिल्हा प्रतिनिधी
कारंजा लाड:- वर्धा जिल्ह्यातील कारंजा बायपासवरील धर्मकाटा जवळील गुरुदेव नगर येथील मोतीराम तुकाराम नगरे यांचा घरी भरदिवसा रोख 20 हजार व 700 ग्रॅम सोने असा एकूण अंदाजे 29 लाख 50 हजार रुपयाची चोरी झाल्याची घटना 25 एप्रिल रोजी घडली.
पोलिस सूत्रांनी दिलेल्या माहितीनुसार कारंजा येथील बायपासवरील धर्म काट्याजवळील मोतीराम तुकाराम नगरे व त्यांच्या पत्नी हे दोघे शिक्षक असून, कामानिमित्य बाहेरगावी गेले असता या संधीचा फायदा घेऊन अज्ञात चोराने भरदिवसा दरवाज्याची कडी तोडून घरात प्रवेश केला व कपाटातील रोख 20 हजार रुपये व 700 ग्रॅम सोने असा अंदाजे 29 लाख 50 हजार रुपयाची चोरी केल्याची घटना घडली.
नगरे यांनी याबाबत पोलिस स्टेशनला तक्रार दिली असून, त्यावरुन पोलीस निरीक्षक सतीश पाटील यांनी वाशीम येथून श्वानपथक व ठसे तज्ञाला बोलावून घटनास्थळाची पाहणी केली. त्यादरम्यान सीसीटीव्ही कॅमेरा मध्ये काही फोटो मिळाल्याची माहिती आहे. पुढील तपास पोलीस निरीक्षक सतीश पाटील यांच्या मार्गदर्शना पोलिस करीत आहेत.
