पुरपरिस्थिती हाताळण्याचे दृष्टीने पोलिस तसेच गृहरक्षक दलाचे सैनिकांसाठी सराव शिबिराचे आयोजन.
✒मुकेश चौधरी, विदर्भ ब्युरो चीफ✒
हिंगणघाट,दि.25मे:- पुढील येणाऱ्या ऋतुनुसार लवकरच येणारा पावसाळा लक्षात घेता नदीला येणा-या पुरपरिस्थिती हाताळण्याचे दृष्टीने पोलिस तसेच गृहरक्षक दलाचे सैनिकांसाठी एका सराव शिबिराचे आयोजन स्थानिक वणा नदी परिसरात करण्यात आले.
सदर शिबिराचे आयोजन उपविभागीय पोलिस अधिकारी दिनेश कदम यांचे मार्गदर्शनाखाली करण्यात आले, यावेळी तहसीलदार श्रीराम मुंदड़ा, पोलिस ठाणेदार संपत चव्हाण, नगरपालिकेचे प्रशासकीय अधिकारी श्री पाटिल, अग्निशमन अधिकारी गिरीश गंडाइत, गृहरक्षक दलाचे तालुका समादेशक श्री रोकडे इत्यादि मान्यवर उपस्थित होते.
आज दि.25 रोजी सकाळी 11 वाजता एकत्र होऊन वणा नदी पात्रात पुरग्रस्त नागरिकांना मदत करीत त्यांना जीवितहानी होण्यापासून वाचवितांनाची रंगीत तालीम घेण्यात आली. यामध्ये 32 पोलीस अंमलदार, 8 अग्निशमन विभाग कर्मचारी तसेच 10 होमगार्ड सैनिक सहभागी झाले.
