पोलीसांनी दारू दुकानाचे शटर बंद केले अन अर्धा तासातच शटर उघडल्या गेले ; गोंडपिपरी तालुक्यात घडला एका तासाचा नाट्यमय प्रकार
राजू ( राजेंद्र ) झाडे
गोंडपीपरी तालुका प्रतिनिधी
मो नं 9518368177
गोंडपिपरी:- सविस्तर वृत्त असे की नुकतीच चंद्रपूर जिल्हाची दारुबंदी उठली.एका महीण्यात जिल्ह्यातील तळीरामांनी पासष्ठ करोडची दारु तळीरामांनी घश्यात उतरवीली. याची चर्चा जिल्ह्यात सूरू असतांनाच गोंडपिपरी शहरात नाट्यमय प्रकार घडला. गडचीरोली जिल्ह्यात दारुपुरवठा करण्याचा आरोपाखाली आष्टी पोलीसांनी गोंडपिपरी शहरातील एका दारू दुकानाचे शटर बंद केले.मात्र अवघ्या तासाभरातच शटर उघडल्या गेले.आष्टी पोलीसांचा उताविळपणाची चर्चा होत असतांनाच राजकीय सूडबुध्दीतून हा प्रकार घडल्याचीही चर्चा तालुक्यात रंगली आहे.
गोंडपिपरी तालुक्याला गडचिरोली जिल्ह्याची सीमा लागून आहे.चंद्रपूर जिल्ह्याची दारूबंदी उठल्यानंतर गडचिरोली जिल्ह्यातही दारूचा पुरवठा अचानक वाढला अशी चर्चा सूरू आहे.अश्यातच गुरूवाराला गोंडपिपरी तालुक्यातील खराळपेट येथिल अवथरे नामक व्यक्तीकडून आष्टी पोलिसांनी अवैधरीत्या दारू तस्करी करतांना पाच पेट्या देशी दारूचा पकडल्या.याची चौकशी सुरू असताना शनिवारला दुपारी अचानक गडचिरोली जिल्ह्यातील आष्टी पोलिसांचे पथक आरोपीला घेऊन गोंडपिपरी शहरात दाखल झाले.चौकशीअंती आष्टी पोलीस स्टेशनचा कांबळे नामक पोलीस उपनिरीक्षकांनी देशी दारू दुकानाचे शेटर बंद केले.यावेळी शेकडो नागरिक उपस्थित होते.आष्टी पोलीसांनी बंद केलेले देशीदारू दुकानाचे शटर अवघ्या तासाभरात उघडल्या गेले. तासाभरात घडलेल्या या नाटकीय प्रकाराची तालुक्यात खमंग चर्चा रंगली आहे.
फोटो काढण्यास पत्रकारांना मनाई
दारू दुकानाचे शटर बंद करतांना जवळपास शेकडो नागरीक उपस्थित होते.आष्टी पोलीस स्टेशनची महीला उपनिरीक्षकाने शटर बंद करतेवेळी काही पत्रकारांनी फोटो काढलेत.त्या महीला पोलीस उपनिरीक्षकाने पत्रकाराकडील मोबाईल स्वताचा ताब्यात घेतला अन काढलेले फोटो डिलेट केले.या प्रकारावर तिव्र संताप गोंडपिपरी पत्रकार संघाने व्यक्त केला आहे.
