नागपुर जिल्हात भरधाव ट्रकची उभ्या ट्रकला जोरदार धडक,एकाचा मृत्यू.
✒युवराज मेश्राम ✒
नागपूर जिल्हा प्रतिनिधी
9923296442
कळमेश्वर :- नागपुर जिल्हातील कळमेश्वर पोलीस स्टेशनच्या हद्दीत एक भीषण अपघात झाल्याची माहिती समोर आली आहे. त्यात एक व्यक्तीचा मृत्यू झाला आहे.
वेगात जाणाऱ्या ट्रकने राेडलगत उभ्या असलेल्या दुसऱ्या ट्रकला जाेरात धडक दिली. यात उभ्या ट्रकमधील गंभीर जखमी झालेल्या क्लिनरचा मृत्यू झाला. ही घटना कळमेश्वर पाेलीस ठाण्याच्या हद्दीतील कळमेश्वर-काटाेल मार्गावरील उबगी शिवारात रात्री 10.30 वाजताच्या सुमारास घडली.
मनोज मरसकोल्हे असे मृत क्लिनरचे नाव आहे. एमएच-32/क्यू-5029 क्रमांकाच्या ट्रकच्या टॅंकमधील डिझेल संपल्याने चालक चेतन घनश्याम टेकाम वय 20 वर्ष याने हा ट्रक उबगी शिवारात राेडलगत उभा केला हाेता. त्या ट्रकच्या केबिनमध्ये मनोज मरसकोल्हे बसून हाेता. दरम्यान, काटाेलहून कळमेश्वर मार्गे नागपूरच्या दिशेने वेगात जाणाऱ्या एमपी-48/जी-1188 क्रमांकाच्या ट्रकने त्या उभ्या ट्रकला जाेरात धडक दिली. त्यात गंभीर दुखापत झाल्याने मनोज मरसकोल्हे याचा मृत्यू झाला. माहिती मिळताच पाेलिसांनी घटनास्थळ गाठून मृतदेह उत्तरीय तपासणीसाठी कळमेश्वर येथील ग्रामीण रुग्णालयात आणला. याप्रकरणी कळमेश्वर पाेलिसांनी गुन्हा नाेंदवून तपास सुरू केला आहे.
