सोयाबीन काढत असताना थ्रेशर मशीनमध्ये अडकल्याने शेतमजुराचा मृत्यू*

*सोयाबीन काढत असताना थ्रेशर मशीनमध्ये अडकल्याने शेतमजुराचा मृत्यू*

✍संतोष मेश्राम✍
चंद्रपूर जिल्हा प्रतिनिधी
( ग्रामीण )-9923497800

राजुरा सविस्तर वृत्त या प्रमाणे आहे की:- थ्रेशरवर सोयाबीन काढत असताना थ्रेशरमध्ये सापडल्याने शेतमजुराचा मृत्यू झाल्याची घटना राजुरा तालुक्यातील गोयेगाव शेतशिवरात आज सकाळच्या सुमारास घडली. माथरा येशील रहिवासी रामकिसन रामदास धोटे (४०) असे मृतकाचे नाव आहे.
सध्या शेतात सोयाबीन काढणीचे काम सुरू आहे. अलीकडे सोयाबीन काढणीसाठी थ्रेशरचा वापर केला जातो. रामकिसन रामदास धोटे हा सकाळच्या सुमारास मशीनमध्ये सोयाबीनच्या पेंढ्या टाकत असताना अचानक तो मशीनमध्ये ओढून दबल्या गेल्याने त्याचा घटनास्थळीच मृत्यू झाला.
सदर घटनेची माहिती राजुरा पोलिसांना देण्यात आली. पोलिस घटनास्थळी पोहचणार असून पुढील तपास पोलिस करणार आहेत. मृतकाच्या पश्चात पत्नी एक मुलगा आणि एक मुलगी असा परिवार आहे. या घटनेमुळे माथरा व परिसरात मोठी हळहळ व्यक्त केली जात आहे.