हिवाळी अधिवेशन: तारखा ठरल्या, आता नागपुर एवजी मुंबईत होणार अधिवेशन.

हिवाळी अधिवेशन: तारखा ठरल्या, आता नागपुर एवजी मुंबईत होणार अधिवेशन.

✒ मुकेश चौधरी ✒
उपसंपादक मिडिया वार्ता न्युज
📲 7507130263 📲
नागपुर:- कोरोना वायरसच्या भितीमुळे यंदाचे हिवाळी अधिवेश नागपुर एवजी मुंबईला होणार असुन तारीख पण जाहिर करण्यात आल्याची माहिती संसदीय कामकाज मंत्री अनिल परब यांनी केली आहे.

महाराष्ट्र राज्याचे हिवाळी अधिवेशन हे नागपुर येथे माघील अनेक वर्षा पासुन होत आले आहे. यावेळी मात्र कोरोना वायरसच्या भितीमुळे मुंबई होणार असल्याची घोषणा करण्यात आली. या अधिवेशनाचा कालावधी किती अेसल हे मात्र अजूनही ठरलं नाही. 24 डिसेंबरला अधिवेशनाचा कालावधी ठरवण्यात येईल अशी माहिती अनिल परब यांनी दिलीय.

हिवाळी अधिवेशनाचा 22, 23, 24 असा कार्यक्रम नक्की झाला आहे, दुसऱ्या आठवड्यात 27 आणि 28 डिसेंबर असा कार्यक्रम ठरला आहे, अशी माहिती संसदीय कामकाज मंत्री अनिल परब यांनी दिलीय. यंदाचं हिवाळी अधिवेशन किती दिवसांचं असेल हे मात्र अजूनही अस्पष्ट आहे. या अधिवेशनात 12 बिले, 11 विधेयके मांडली जातील. अधिवेशनात प्रश्नोत्तरे देखील घेतली जातील, अशी माहिती परबांनी दिलीय. अधिवेशन वाढवण्याचा निर्णय 24 डिसेंबरला घेण्यात येणार.

हिवाळी अधिवेशन हे दरवर्षी नागपुरात घेतलं जातं, मात्र  मुख्यमंत्री स्वतः अधिवेशनात उपस्थित राहणार असल्याने मुंबईत अधिवेशन घेतले जाणार आहे. मुख्यमंत्र्यांवरील शस्त्रक्रियेनंतर हा निर्णय घेण्यात आलाय. अर्थसंकलपीय अधिवेशन नागपुरला व्हावे अशी विरोधकांची मागणी होती, उपमुख्यमंत्र्यांनी सकारात्मकता दाखवली, मात्र मुख्यमंत्र्यांची तब्येत बघता हे अधिवेशन मुंबईत घेण्याचा निर्णय घेतला आहे, अशी माहिती अनिल परब यांनी दिलीय.

नव्या कोरोना व्हेरिएंटवर आजच्या बैठकीत चर्चा झाली आहे, अधिवेशनात ज्यांचे दोन डोस झाले असतील, त्यांनाच यंदाच्या हिवाळी अधिवेशनात प्रवेश मिळणार आहे. त्यामुळे अधिवेशनात किती सदस्य उपस्थित असतील हेही सांगता येत नाही. अधिवेशनात हजेरी लावण्यासाठी आरटीपीसीआर टेस्टदेखील बंधनकारक असणार असल्याचं परबांनी सांगितलंय.