विसापूर मधील रहिवासी दोन जिवलग मित्राचा दुचाकी आणि -बोलेरो मध्ये जबर धडक होऊन मृत्यू
सौ.हनिशा दुधे
तालुका प्रतिनिधी बल्लारपूर
मीडिया वार्ता न्युज चंद्रपूर
मो 9764268694
बल्लारपुर :- वणी ते चंद्रपूर मार्गाने दुचाकीने दोघे मित्र विसापूर कडे येत होते. दरम्यान चंद्रपूर एमआयडीसी परिसरात जवळ दुचाकी व बोलेरो वाहणात जबर धडक झाली.या भीषण अपघातात विसापूर येथील दोघांचा मृत्यू झाला. ही घटना बुधवार ( ता.२२) सायंकाळी ६.०० वाजता घडली. सुधाकर लक्ष्मण धोटे ( वय ४३) व मनोज गणपती जुनघरे ( वय ४७) रा. विसापूर ता. बल्लारपूर जि. चंद्रपूर असे दुचाकी अपघातात मृत्यू झालेल्याची नाव आहे.
मनोज जुनघरे व सुधाकर धोटे हे दोघे मित्र एम. एच.३४-बी. क्यू.०४१३ या दुचाकी ने वणी जि. यवतमाळ येथे भाचीच्या लग्न कार्यानिमित्य देव पोहचविण्यासाठी गेले होते. तेथील ख्याली खुशाली विचारून घुगुस मार्गाने विसापूर कडे येत होते.दरम्यान एमआयडीसी परिसरात एका वळणावर बोलेरो वाहन क्रमांक एम. एच.३४-एम.२५४४ ने दुचाकीला जबर धडक बसली. या धडकेत दुचाकीस्वार सुधाकर धोटे जागीच ठार झाले तर मनोज जुनघरे हे जिल्हा सामान्य रुग्णालयात उपचार दरम्यान मरण पावला. विसापूर येथील मनोज जुनघरे यांच्या भाचीचे २६ डिसेंबर रोजी लग्न ठरले होते. यनिमित्य मनोज हा मित्र सुधाकर धोटे सोबत देव बहिणीच्या घरी वणी येथे देऊन परत गावाकडे येताना त्यांच्या दुचाकीला मल्टी ऑरगॅनिक कपंनीजवळ जबरदस्त अपघात झाला. यात सुधाकर घटनास्थळी ठार झाले. सुधाकर धोटे यांच्या मागे आई वडील, पत्नी, दोन मुले व बराच मोठा आप्त परिवार आहे. मनोज जुनघरे यांच्या पश्चयात आई, पत्नी, मुलगा व मुलगी असा परिवार आहे. विसापूर येथील स्म्शानभूमीवर शोकाकुल वातावरणात अंत्यविधी करण्यात आले.
मनोज जुनघरे ओबीसी महासंघाचा कार्यकर्ता होता
सुधाकर धोटे व मनोज जुनघरे हे जीवलग मित्र होते. बिल्ट ग्राफिक्स पेपर मिल मध्ये दोघेही नोकरीला होते. मनोज जुनघरे हा सामाजिक कार्यकर्ता म्हणून कार्यरत होता. ओबीसी महासंघाचे सदस्य म्हणून तो सक्रिय होता. त्याने भाचीच्या लग्नाला चांगला बेत आखला होता. मात्र नियतीला ते मान्य नव्हते. ओबीसी महासंघाच्या चळवळीतील धडाडीचा कार्यकर्ता अचानक निघून गेल्याने सर्वत्र शोक व्यक्त केला जात आहे. विसापूर गावात दोघांच्या अपघाती मृत्यूने हळहळ व्यक्त केली जात आहे.
