रा. सु. बिडकर महाविद्यालयाचा खेळाडू कु. प्रज्वल साहारे याची विद्यापीठ कुस्ती संघात निवड.

रा. सु. बिडकर महाविद्यालयाचा खेळाडू कु. प्रज्वल साहारे याची विद्यापीठ कुस्ती संघात निवड.

✒करण विटाळे✒
हिंगणघाट तालुका ग्रामीण
प्रतिनिधी: 8806839078

हिंगणघाट : राष्ट्रसंत तुकडोजी महाराज नागपूर विद्यापीठ , नागपूर शारीरिक शिक्षण विभागाकडून घेण्यात आलेल्या आंतरमहाविद्यालयीन कुस्ती निवड चाचणी स्पर्धा ( सत्र २०२१-२०२२) जोतिबा फुले शारीरिक शिक्षण महाविद्यालय नागपूर, येथे घेण्यात आल्या व कुस्ती संघ जाहीर करण्यात आला . या संघात रा. सु. बिडकर महाविद्यालयाचा कु. प्रज्वल हेमराज साहारे , ( बी. एस. सी. भाग – १ ) याची ७० किलो वजन गटामध्ये निवड करण्यात आली. निवड झालेला खेळाडू , भिवानी हरियाणा येथे होणाऱ्या आंतरमहाविद्यालयीन स्पर्धेत रा. तु. म. नागपूर विद्यापीठ कुस्ती संघाचे प्रतिनिधित्व करणार आहे. तसेच खेळाडू च्या यशाबद्दल ग्रामीण विकास संस्था अध्यक्ष डॉ. उषाकिरण थुटे , प्राचार्य बि. जी. आंबटकर, शारीरिक शिक्षण विभाग प्रमुख डॉ. बलराज अवचट, डॉ. जया जॉन तसेच महाविद्यालयातील प्राध्यापक, शिक्षकेत्तर कर्मचारी, आजी-माजी खेळाडू व विद्यार्थ्यांच्या उपस्थितीत गौरव करण्यात आला.