ई. पी. एफ. ओ. योजना, पेन्शनधारकांना मिळणार आनंदाची बातमी!
🖋 अश्विन गोडबोले
चंद्रपूर महानगर प्रतिनिधी
📞 8830857351
नवी दिल्ली, : – कर्मचारी भविष्य निर्वाह निधी संघटना 29 आणि 30 जुलै रोजी होणाऱ्या बैठकीत केंद्रीय पेन्शन वितरण प्रणाली करण्याच्या प्रस्तावावर विचार केल्यानंतर त्याला मंजुरी देण्यात येणार आहे. या प्रणालीच्या स्थापनेमुळे, देशभरातील 73 लाख पेन्शनधारकांच्या खात्यावर निवृत्तीवेतन एकाच वेळी हस्तांतरित केले जाऊ शकते.
*वेगवेगळ्या दिवशी पेन्शन
सध्या ई. पी. एफ. ओ. ची 138 प्रादेशिक कार्यालये त्यांच्या क्षेत्रातील लाभार्थ्यांच्या खात्यात पेन्शन हस्तांतरित करतात. अशा परिस्थितीत पेन्शनधारकांना वेगवेगळ्या दिवशी आणि वेळेला पेन्शन मिळते. 29 आणि 30 जुलै रोजी होणाऱ्या ई.पी.एफ.ओ. ची सर्वोच्च निर्णय घेणारी संस्था सेंट्रल बोर्ड ऑफ ट्रस्टी (सी. बी. टी) च्या बैठकीत केंद्रीय पेन्शन वितरण प्रणालीच्या निर्मितीचा प्रस्ताव मांडला जाणार आहे, असे एका सूत्राने सांगितले आहे.
*निवृत्ती वेतन एकाच वेळी हस्तांतरित केले जाणार
मिळालेल्या माहितीनुसार, ही प्रणाली बसवल्यानंतर 138 क्षेत्रीय कार्यालयांच्या डेटाबेसच्या आधारे पेन्शनचे वितरण केले जाईल. यामुळे 73 लाख पेन्शनधारकांना एकाच वेळी पेन्शन दिली जाणार आहे. सूत्राने सांगितले की, सर्व पेन्शनधारकांच्या गरजा वेगळ्या पद्धतीने हाताळतात. यामुळे पेन्शनधारक वेगवेगळ्या दिवशी पेन्शन घेऊ शकतात.
