वीज पडून एक गंभीर जखमी
इतर दोन महिलाही आल्या विजेच्या कचाट्यात
🖋 अश्विन गोडबोले
चंद्रपूर महानगर प्रतिनिधी
📱 8830857351
पोंभूर्णा, : – शहरात गुरूवारच्या संध्याकाळपासून मुसळधार पाऊस सुरू होता. शेतीची कामे आटोपून परत घराकडे जात असताना आठवडी बाजार परिसरात सायंकाळी ७ वाजताच्या दरम्यान वीज कोसळली. यात एक मजूर गंभीर जखमी झाला. वसंत गुरूनूले (वय ५५) असे जखमी मजूराचे नाव आहे. त्यासोबत असलेल्या दोन महिलाही जखमी झाल्या. रेखा वसंत गुरूनुले व ममता ईप्पलवार असे जखमी महिलांची नावे आहे. पोंभूर्ण्यातील आठवडी बाजार परिसरात गुरूवारी संध्याकाळपासूनच मुसळधार पाऊस सुरू होता. शेतमजूरीसाठी गेलेले तीघे घराकडे परत येत असताना अचानक वीज कोसळली. यात वसंत गुरूनूले हा मजूर गंभीर जखमी झाला. तर सोबत असलेली पत्नी रेखा गुरूनुले व ममता दिनेश ईप्पलवार हे सुद्धा विजेच्या कचाट्यात आले. जवळपासच्या नागरिकांनी घटनास्थळी धाव घेत जखमींना प्राथमिक आरोग्य केंद्रात दाखल केले. मात्र वसंत गुरूनूले यांची प्रकृती चिंताजनक असल्याने पुढील उपचारासाठी त्यांना चंद्रपूरला हलविण्यात आले असून त्यांचेवर उपचार सुरू आहे.
