माता महाकालीच्या महोत्सव पालखी शोभायात्रेत उसळला भक्तीसागर, अभिलिप्सा पांडा, बजरंग बली लक्षवेधी
अश्विन गोडबोले
चंद्रपूर महानगर प्रतिनिधी
मो: 8830857351
आमदार किशोर जोरगेवार यांच्या संकल्पनेतून माता महाकाली भक्तगण आणि माता महाकाली सेवा समितीच्या वतीने आयोजित महाकाली महोत्सावानिमित्त चंद्रपूर नगरीत रविवारी निघालेल्या माता महाकाली पालखी नगर प्रदक्षिणा शोभायात्रेत भक्तीचा महासागर उसळला. अभिलिप्सा पांडा, बाहुबली बजरंग बली, शिवगर्जना ढोल व ध्वज पथक या शोभायात्रेचे विशेष आकर्षण ठरले.
रविवारी सायंकाळी ५ वाजता माता महाकालीच्या पूजनानंतर महाकाली मंदिर जवळून या शोभायात्रेला सुरवात झाली. शोभयात्रेत सर्वात समोर असलेल्या राज्यातील प्रथक क्रमांकाच्या शिवर्गजना या युवक व युवतींच्या ढोल पथकाने सर्वांचे लक्ष वेधले. चंद्रपुरात प्रथमच आगमन झालेल्या बाहुबली बजरंग बली हे ही या शोभायात्रेचे विशेष आकर्षण ठरले. हरहर शंभु गाण्याच्या सुप्रसिद्ध गागिका अभिलिप्सा पंडा यांच्या ” रोडशो ने ही शोभयात्रेत भक्तीची रंगत भरली. या शोभयात्रेत १३ अश्व, अश्व आरुढ नवदुर्गा व राणी
हिराईचे बोलके दृश्य माता महाकालीची चांदीची मूर्ती व पादुका पालखी, अब्दागिरी व तुतारी, पोतराजे नृत्य, अश्वावर देवी देवतांचे साकारलेले बोलके दृष्य, नागपूर, चंद्रपूर, राजुरा येथील तिन ढोल ताशा पथक, दोन बॅण्ड पथक, गायत्री परिवाराचा १०० महिलांचा कळस समूह, १०० शंखनाथ महिलांचा समूह, १५० लोकांचे पाच लेझिम पथक, १०० महिलांचे ध्वजधारी पथक, ३ ध्वनी वादक पथक, पवनसुत प्रभु श्री बाहुबली हनुमान यांचे बोलके दृष्प, पुरुष आणि महिला दांडिया समूह, योग्य नृत्य परिवारातील १०१ पुरुष, महिलांचे योग नृत्य, ४ आदिवासी नृत्य, १ लैंगी बंजारा समाज नृत्य, १०० मुला आणि मुलींचे कराटे प्रात्याक्षिक दृश्य, ८० वादकांसह जगदंब ढोल पथक, शिवाज्ञा वाद्य पथक यांच्यासह इतर धार्मिक सांस्कृतिक आणि सामाजिक देखाव्यांचा सहभाग होता. शोभायात्रेत मोठा जनसागर सहभागी झाला होता. मंगळवारी माता महाकाली आरती, शक्ती संवर्धन, पर्यावरण संरक्षण महायज्ञ, ९९९ कन्या भोजन व महाप्रसादाने या महोत्सवाची सांगता झाली.
