जोरगेवार हा जमिनीशी जुळलेला परिवार,अभिलिप्सा पांडा यांचे प्रतिपादन, अम्मा का टिफिन उपक्रमाचे कौतुक केले
अश्विन गोडबोले
चंद्रपूर महानगर प्रतिनिधी
मो:8830857351
चंद्रपूर, ३ ऑक्टोबर: कार्यक्रमानिमित्त देशातील अनेक भागात जाण्याचा योग आला. यादरम्यान अनेकांच्या भेटी-गाठी होत असतात. मात्र, आपल्या भागातील लोकांना आपला परिवार समजून गरजू लोकांच्या जेवणाची रोज व्यवस्था करणारे किंचितच असतात. आमदार किशोर जोरगेवार यांच्या परिवाराची भेट घेतली. त्यांच्या अम्मा का टिफिन या उपक्रमाबाबत माहिती मिळाली. जोरगेवार हा जमिनीशी जुळलेला परिवार असून, अन्नदानासारखे पुण्याचे काम करत असलेल्या या कुटुंबावर माता महाकालीची सदैव कृपा राहिल, अशी भावना हर हर शंभू गाण्याची सुप्रसिद्ध गायिका अभिलिप्सा पांडा यांनी व्यक्त केली.
महाकाली महोत्सवाचे संयोजक आमदार किशोर जोरगेवार यांच्या निवासस्थानी अभिलिप्सा पांडा यांनी जोरगेवार कुटुंबीयांची भेट घेतली. यावेळी जोरगेवार परिवाराने अभिलिप्सा पांडा यांचे स्वागत केले.
यावेळी अभिलिप्सा यांनी आमदार जोरगेवार यांच्यातर्फे सुरू असलेल्या अम्मा का टिफीन या उपक्रमाची माहिती जाणून घेत अम्मांचा आर्शिवाद घेतला. चंद्रपुरात प्रथमच आयोजित हा महोत्सव भव्यदिव्य आहे.चंद्रपुरात दाखल होताच माता महाकाली मातेच्या गाण्यांचा आवाज कानावर आला. एखाद्या मोठ्या धार्मीक स्थळी आपण प्रवेश केला असे यातून जाणवले. हे आयोजन चंद्रपुरातील धार्मिक महत्त्व नक्कीच वाढवेल, असा विश्वास अभिलिप्सा पांडा यांनी व्यक्त केला. यावेळी आ. किशोर जोरगेवार, गंगुबाई जोरगेवार, कल्याणी जोरगेवार, प्रशांत जोरगेवार, रंजिता जोरगेवार, प्रसाद जोरगेवार यांच्यासह जोरगेवार परिवारातील सदस्य आणि माता महाकाली सेवा समितीच्या पदाधिकाऱ्यांची उपस्थिती होती.
