अल्पवयीन बालिकेचे अपहरण करून मारहाण केल्याने, पोस्को अंतर्गत तिघांना १५ दिवसाची न्यायालयीन कोठडी
पाच महिन्यांपूर्वी अत्याचार, पुन्हा गैरवर्तन , आईने दिली तक्रार
✍️ भवन लिल्हारे जिल्हा प्रतिनिधी भंडारा📱 मो.नं.9373472847📞
भंडारा : पीडित अल्पवयीन बालिकेच्या आईच्या तक्रारीनुसार, ही घटना मागील १४ जुलै ते १२ डिसेंबरच्या सुमारास घडली आहे. आईच्या तक्रारीवरून दिघोरी मोठी पोलिसांनी गोंदिया जिल्ह्यातील अर्जुनी मोरगाव तालुक्यातील बोरटोला येथील सम्यक पुरुषोत्तम मेश्राम (वय १९) वर्षे, चालना येथील प्रज्वल सांगोळे वय (२०) वर्षे , व बाकटी येथील अमित खोब्रागडे वय (२१) वर्षे नामक आरोपींविरोधात अपहरण करून अत्याचाराच्या विविध कलमांसह पोक्सो कायद्यांतर्गत गुन्हा दाखल करून तिन्ही आरोपींना अटक केली होती. या घटनेचा पुढील तपास सहायक ठाणेदार हेमंत पवार करीत आहेत.
मागील ५ महिन्यापूर्वी एका अल्पवयीन बालिकेवर लैंगिक अत्याचार करून पुन्हा गेल्या चार दिवसांपूर्वी अन्य दोन साथीदारांचे मदतीने अपहरण करून मारपीट केल्याच्या आरोपाखाली तीन आरोपींविरोधात पोस्को कायद्यांतर्गत गुन्हा दाखल करण्यात आला होता. त्यांना विशेष सत्र न्यायालयाने पुढील १५ दिवसापर्यंत न्यायालयीन कोठडी सुनावली आहे.
पोलिस सूत्रानुसार, लाखांदूर तालुक्यातील एका अल्पवयीन बालिकेवर घटनेतील सम्यक मेश्राम नामक आरोपीने मागील ५ महिन्यांपूर्वी बळजबरीने अत्याचार केल्याचा आरोप आहे. या आरोपीने पुन्हा गत चार दिवसांपूर्वी शाळेत जात असलेल्या त्याच बालिकेचे अन्य २ साथीदारांच्या मदतीने अपहरण केले, नंतर मारपीट करून परत सोडल्याचाही आरोप तक्रारीत आहे.
आईच्या तक्रारीवरून दिघोरी मोठी पोलिसांनी घटनेतील तिन्ही आरोपींविरोधात अपहरण, अत्याचार व मारपिटीसह पोक्सो कायद्यांतर्गत गुन्हा दाखल करून आरोपींना अटक केली होती. या कारवाईअंतर्गत आरोपींना १७ डिसेंबर रोजी पोलिसांनी जिल्हा विशेष सत्र न्यायालयात हजर केले असता गुन्ह्याचे गांभीर्य लक्षात घेऊन न्यायाधीशांनी तिन्ही आरोपींना पुढील १५ दिवसांपर्यंत न्यायालयीन कोठडी सुनावली आहे.
