🌟समर्थन 📄 तैलीक युवा/महिला एल्गार संघटनेचा वंचीतचे राजेश बेले यांना पाठिंबा

🌟समर्थन 📄
तैलीक युवा/महिला एल्गार संघटनेचा वंचीतचे राजेश बेले यांना पाठिंबा

🖋️ मीडिया वार्ता वृत्तसेवा
📱 8830857351

चंद्रपूर : 17 एप्रिल
तैलीक युवा/महिला एल्गार संघटनेने बुधवार, 17 एप्रिल रोजी एका बैठकीमध्ये २०२४ च्या लोकसभा निवडणुकीसाठी वंचित बहुजन आघाडीचे उमेदवार राजेश बेले यांना संघटनेकडून पूर्ण पाठिंबा देण्याचे ठरवले आहे.

बैठकीत जिल्हाध्यक्ष जितेंद्र इटनकर यांनी राजेश बेले यांच्या उमेदवारीला एकमताने पाठिंबा दर्शवला. इटनकर यांनी बेले यांचे तेली समाजाचे हक्क आणि कल्याण यासाठी लढणारे एक मजबूत आणि समर्पित नेता म्हणून वर्णन केले.

यावेळी इटनकर म्हणाले, तैलीक युवा/महिला एल्गार संघटना सर्व समाजाला घेऊन दरवर्षी संत जगनाडे महाराज यांच्या जयंतीनिमित्त रॅलीचे आयोजन करीत असते. त्यामुळे समाजातील सर्व पक्षात असलेल्या नेत्यांनी पदाधिकाऱ्यांनी पक्षभेद विसरून आपल्या समाजाच्या उमेदवाराला प्रचंड बहुमताने विजयी करण्यासाठी एकत्र येण्याची गरज आहे. असे आवाहन केले.
“राजेश बेले हे एक प्रगतीशील आणि दूरदर्शी नेता आहेत आणि ते तेली समाजाचे हक्क आणि कल्याण यासाठी लढण्यास वचनबद्ध आहेत. आम्हाला पूर्ण विश्वास आहे की ते २०२४ च्या लोकसभा निवडणुकीत विजयी होतील आणि तेली समाजाचा आवाज दिल्लीत उठवतील.

इटनकर यांनी तेली समाजातील सर्व मतदारांना राजेश बेले यांना मोठ्या प्रमाणावर मतदान करून विजयी करण्याचे आवाहन केले. या बैठकीला तैलीक युवा/महिला एल्गार संघटनेचे अनेक सदस्य आणि पदाधिकारी उपस्थित होते.
राजकीय पक्षाच्या पदाधिकाऱ्यांनी या पाठिंब्याला गृहीत धरू नये असे म्हंटले आहे.