सिंदेवाही लोनवाही नगरपंचायतीत भारतीय संविधान अमृत महोत्सव “घर घर संविधान” कार्यक्रम साजरा
जितेंद्र नागदेवते
सिंदेवाही तालुका प्रतिनिधी
मो. न 8806689909
सिंदेवाही :- भारतीय संविधानास 75 वर्षे पूर्ण झाल्यानिमित्य भारतीय संविधान अमृत महोत्सव निमित्य “घर घर संविधान कार्यक्रम” सिंदेवाही-लोनवाही नगरपंचायत वतीने क्रांतीज्योती सावित्रीबाई फुले अभ्यासिका, शिक्षक कॉलणी सिंदेवाही येथे साजरा करण्यात आले.
कार्यक्रमाचे अध्यक्षस्थानी मा. भास्कर श्रावण नन्नावार, अध्यक्ष सिंदेवाही-लोनवाही नगरपंचायत तसेच कार्यक्रमाला विशेष अतिथी संविधान विषयक मार्गदर्शक मा. संघमित्रा ढोके, विभागीय सहआयुक्त, नगरपरिषद प्रशासन, नागपूर विभाग नागपूर होते. प्रमुख अतिथी सिंदेवाही-लोनवाही नगरपंचायतीचे मुख्याधिकारी राहूल कंकाळ, नगरपंचायतीच्या उपाध्यक्ष पुजा विलास रामटेके, सार्वजनिक बांधकाम व नियोजन सभापती मयूर रमेश सुचक, पाणी पुरवठा व जलनिस्सारण समितीचे सभापती अंजूताई नरेंद्र भैसारे, महिला व बाल्यकल्याण समितीचे सभापती वैशालीताई संजय पुपरेड्डीवार, नगरसेवक किशोर भरडकर, सुनिल उट्टलवार, युनूस शेख, स्वेता मोहुर्ले, दिपा पुस्तोडे, मिनाक्षी मेश्राम, अपूर्वा चिंतलवार, प्रमुख उपस्थित होते.
कार्यक्रमाची सुरुवात क्रांतीसुर्य महात्मा ज्योतीराव फुले, ज्ञानज्योती सावित्रीमाई फुले व भारतीय संविधानाचे शिल्पकार डॉ. बाबासाहेब आंबेडकर यांचे प्रतिमेला दिपप्रज्वल व माला अर्पण करुन करण्यात आले. त्यांनतर मा. संघमित्रा ढोके, विभागीय सहआयुक्त, नगरपरिषद प्रशासन, नागपूर विभाग नागपूर यांना प्रशासकीय व सामाजिक क्षेत्रात उत्कृष्ठ कार्याबद्दल सिंदेवाही-लोनवाही नगरपंचायतीकडून शाल, पुष्पगुच्छ व मानपत्र देऊन सत्कार करण्यात आले.
कार्यक्रमास सिंदेवाही-लोनवाही नगरपंचायत क्षेत्रातील बहूसंख्य नागरीक, महाविद्यालयीन विद्यार्थी व अंगणवाडी सेविका मोठया संख्यानी उपस्थित होते. उपस्थित नागरीकांना, विदयार्थ्यांना व अंगणवाडी सेविकांना भारतीय संविधानाची प्रास्ताविका उपस्थित मान्यवरांचे हस्ते वाटप करण्यात आले.
कार्यक्रमामध्ये भारतीय संविधान विषयक मार्गदर्शक संघमित्रा ढोके, विभागीय सहआयुक्त, नगरपरिषद प्रशासन, नागपूर विभाग नागपूर यांनी शालेय आणि महाविद्यालयीन विद्यार्थ्यांमध्ये तसेच समाजातील प्रत्येक घटकांस संविधानाचे महत्व, त्यातील मूल्ये, मूलभूत हक्क, कर्तव्ये, विविध तरतुदीचे शिक्षण, भारतीय संविधानातील समाजवादी, धर्मनिरपेक्ष, लोकशाही मूल्यांचा प्रचार व प्रसार, संविधानाच्या अध्ययनामुळे आणि चर्चेद्वारे सामाजिक, आर्थिक आणि राजकीय अधिकारांची जाणीव करुन दिले. संविधानाबाबत प्रबोधनात्मक विस्तृत मार्गदर्शन केले. सिंदेवाही-लोनवाही नगरपंचायत अध्यक्ष मा. भास्कर श्रावण नन्नावार, यांचे अध्यक्षनीय भाषण केले.
कार्यक्रमाची प्रास्ताविक मुख्याधिकारी, राहूल कंकाळ यांनी केले व सुत्रसंचालन व आभार प्रदर्शन नगरसेवक युनूस शेख यांनी केले. कार्यक्रमाची सांगता राष्ट्रगीताने करण्यात आली.
कार्यक्रम यशस्वी करण्यास नगर अभियंता मनोज आंबोरकर, प्रशासकीय अधिकारी विजय किरवले, पाणी पुरवठा अभियंता नुतन कोरडे, लेखापाल सुरज गायकवाड, आरोग्य निरीक्षक अनिकेत मानकर, लिपीक टंकलेखक विनोद काटकर, सुधिर ठाकरे, श्री संजय वाकडे, संजय रामटेके, पुरुषोत्तम खोब्रागडे, संदीप कांबळे, . दिपलता पातोडे, दिलेश सहारे श्रीमती गिता नागापूरे, संगिता कंबलवार, नंदा रगडे व इतर कार्यालयीन कर्मचारी यांनी परिश्रम घेतले
