अलिबाग मुरुड मेडिकल असोसिशनच्या अध्यक्षपदी डॉ. वैभव भगत
अँड.रत्नाकर पाटील
रायगड ब्यूरो चीफ
९४२०३२५९९३
अलिबाग:- वैद्यकीय क्षेत्रात त्याचबरोबर सामाजिक क्षेत्रात अग्रेसर असलेल्या अलिबाग मुरुड मेडिकल असोसिशन च्या अध्यक्षपदी अलिबाग येथील डाॅ. वैभव भगत यांची निवड करण्यात आली आहे.
अलिबाग कुरूळ येथील सुरुची हॉटेल येथे कोअर कमिटीची बैठक संपन्न झाली. यावेळी रायगड मेडिकल असोसिएशन चे माजी अध्यक्ष डॉ. निशिगंध आठवले, अलिबाग मुरुड मेडिकल असोसिएशन चे माजी अध्यक्ष डॉ. महेंद्र दोषी, डॉ. संदेश पाटील, डॉ. आशिष भगत, डॉ. मकरंद आठवले, डॉ. रवी म्हात्रे, डॉ. राजेंद्र मोकल, डॉ. अनघा भगत, डॉ. मयुर कल्याणी, डॉ. उज्वल जैन, डॉ. गणेश गवळी यांच्या मार्गदर्शनाखाली नवीन कार्यकारणी निवडण्यात आली. यावेळी अध्यक्षपदी डॉ. वैभव भगत यांची निवड करण्यात आली . मावळत्या अध्यक्षा डॉ. सुनिता पाटील यांनी डॉ. वैभव भगत यांच्याकडे पदभार सुपूर्द केला.
असोसिएशन च्या उपाध्यक्ष पदी डॉ. अमेय केळकर आणि डॉ. अमित बेनकर, सचिव पदी डॉ. ओमकार पाटील, सहसचिव पदी डाॅ. भूषण शेळके आणि डॉ. सुलतान हसवारे खजिनदार पदी डाॅ. वैजेश पाटील, सहखजिनदार पदी डाॅ. अभिराज पाटील आणि डॉ. प्रांजली पाटील, स्पोर्टस् सेक्रेटरी डॉ. आदेश मोकल, डॉ. पल्लवी शेळके, कल्चरल सेक्रेटरी डॉ. समीर धाटावकर, डॉ. सोनाली नाईक, ऑर्गनायझर सेक्रेटरी डॉ. निशिकांत ठोंबरे, डॉ. रश्मी गंभीर यांची सर्वानुमते निवड करण्यात आली.
अलिबाग मुरूड मेडिकल असोसिएशनच्या वतीने चालू वर्षांत आरोग्य शिबीर , रक्तदान शिबीर, आरोग्या विषयी जनजागृती, त्याचबरोबर आपत्कालीन वेळेत जनेतेची मदत करणे व सामाजिक उपक्रमांना देखील प्राधान्य देण्याबरोबरच असोसिएशन च्या सदस्यांसाठी वैद्यकीय व्याख्याने, स्पोर्ट्स डे आणि कौटुंबिक स्नेहमेळावा साजरा करण्यात येणार असल्याचा मानस डॉ. वैभव भगत यांनी आपल्या मनोगतातून व्यक्त केला.
यावेळी वाशी येथिल न्यू इरा हॉस्पिटलच्या वतीने डॉ. सुनील कुट्टी, डॉ. चंद्रशेखर आणि डॉ. अमित धांकी यांनी उपस्थित डॉक्टरांना विशेष मार्गदर्शन केले.
