🔴सफाळे येथे जिल्हा स्तरीय आदिवासी हक्क व विचार सभेला उत्स्फूर्त प्रतिसाद

🔴सफाळे येथे जिल्हा स्तरीय आदिवासी हक्क व विचार सभेला उत्स्फूर्त प्रतिसाद

🔴पावसात भिजूनही कार्यकर्त्यांनी गाजवली आदिवासी विचारसभा
🔴आदिवासी क्रांतिकारकांच्या इतिहासासाठी लढण्याचा निर्धार
🔴तुफान पावसात ठाणे आणि जिल्ह्यातून कार्यकर्ताची हजेरी
🔴घुसखोरी विरोधात जिल्ह्यात निघणार विशाल मोर्चा

अरविंद बेंडगा
जिल्हा प्रतिनिधी,पालघर
7798185755

सफाळे :- आदिवासी क्रांतिकारकांच्या योगदानाची जाणीव नव्या पिढीला करून देणे आवश्यक असून तळागाळातील आदिवासी समाजाला संविधानिक हक्कांची आणि अधिकाराची जाणीव जागृती करण्याच्या उद्देशाने विश्व् आदिवासी अधिकार दिनाच्या निमित्ताने रविवारी 28 नोव्हेंबर रोजी सफाळे येथे जिल्हा स्तरीय आदिवासी हक्क व विचार सभेला उत्स्फूर्तपणे पार पडली. आदिवासी कार्यकर्त्यांनी आणि संघटनानी हा प्रचार आणि जागृती करण्याची जवाबदारी घ्यावी असे विचार आमदार राजेंद्र गावीत यांनी केले. आदिवासी समाजात इतर समाजाची घुसखोरी सहन केली जाणार नसून शहादा येथे निघालेल्या मोर्चाच्या पाश्वभूमीवर पालघर जिल्ह्यात सकल आदिवासी समाजाच्या वतीने विशाल मोर्चा काढण्याचे आवाहन केले.
तर आदिवासी हक्क आणि अधिकार जाणीव, जागृती करण्यासाठी समाज बांधवानी आधी आदिवासी बनायला शिकले पाहिजे. यासाठी आदिवासी संस्कृती, परंपरा टिकवून ठेवले पाहिजे. झारखंडचे माजी मुख्यमंत्री शिबू सोरेन यांचे अंत्यसंस्कार आदिवासी पद्धतीने केल्याचे उदाहरण देत आपण इतर समाजाचे अनुकरण थांबवावे असे आवाहन डॉ. सुनील पऱ्हाड यांनी केले. तर अनुसूचित जाती जमाती अत्याचार प्रतिबंध आयोगाकडे आदिवासी समाज आपले हक्क आणि अधिकारावर झालेल्या अन्यायची दाद मागण्यास उदासीन असल्याची खंत समितीच्या सदस्य वैदेही वाढाण यांनी व्यक्त केली.
सभेचे अध्यक्ष टीटीएस एफचे जिल्हाअध्यक्ष विलास बेलकर यांनी आदिवासी कर्मचारी आदिवासी चळवळीत मोठे योगदान देत असून कर्मचारी गृहीत धरले जाऊ नयेत असे त्यांनी सांगितले. त्यांचे योगदान दाखल घेण्याची गरज अधोरेखित झाली.

विशेष म्हणजे रविवारी पालघर जिल्हा रेड अलर्ट असतानाही सफाळे (पूर्व) येथे पार पडलेली “आदिवासी हक्क व अधिकार विचार सभेला ठाणे, वाडा, तलासरी, विक्रमगड, डहाणू तालुक्यातून मोठ्या संख्येने आदिवासी कार्यकर्ते उपस्थित होते.
तुफान पावसातही हक्क अधिकार परिषदेत ठाम भूमिका घेणारा आदिवासी कार्यकर्ता शेवटपर्यंत राहिला.यावेळी ठाणे, तलासरी, डहाणू, वाडा, पालघर, सफाळे येथून मोठ्या संख्येने कार्यकर्ते उपस्थित होते.
सभेच्या प्रारंभी स्वातंत्रसैनिक शिनवार डुकले आणि नारायण सांबरे, आदिवासी रत्न काळुराम धोदडे यांच्या स्मृतीस अभिवादन करण्यात आले. आदिवासी क्रांतिकारकांच्या प्रतिमांचे पूजन करून त्यांचा संघर्ष, त्याग आणि लढाऊ परंपरेचे स्मरण करण्यात आले. पूर्वजांनी दिलेली प्रेरणा आजच्या पिढीला मार्गदर्शक ठरत असल्याचे वातावरण संपूर्ण सभेत जाणवत होते.
प्रमुख वक्ते प्रा. रोहिदास वाजे यांनी आदिवासी हक्क आणि अधिकार यावर प्रभावी मार्गदर्शन केले. आंदिवासी क्रांतिकारक राघोजी भांगरे यांचा अत्याचाराविरुद्धचा लढा सांगून भूगोल या तुकाराम धांडे यांच्या कवितेतून मार्मिक मार्गदर्शन केले. प्रा. धोंगडे यांनी आदिवासीत्व यावर सखोल मार्गदर्शन केले.
भूमपुत्र संघटनेचे अध्यक्ष भास्कर दळवी यांनी पेसा जिल्ह्यात प्रशासनाकडून आणि लोकप्रतिनिधीकडून आदिवासी अधिकाराची पायमल्ली होत असल्याचे सांगितले. आदिवासी जमीन बिगर आदिवासी यांना घेता येत नसताना 250 जणांची बेकायदेशीर प्रकरणाची यादी त्यांनी सभेला दाखवली. जेष्ठ कार्यकर्ते मीनाताई धोदडे यांनी आदिवासींच्या संघर्षशील इतिहासाची, त्यागाची आणि स्वाभिमानाची ज्वलंत उदाहरणे देत आदिवासी विचारधारेत समाजाने जोडून राहण्याचे आवाहन केले.गजानन पागी, काशिनाथ वरठा यांनी विचार मांडले.आदिवासी सेवक वसंत भसरा यांनी आदिवासी हक्कांवर कोणतेही आक्रमण सहन केले जाणार नाही, जल-जंगल-जमीन, आरक्षण आणि संस्कृतीच्या रक्षणासाठी व्यापक संघर्ष उभारला जाईल, तसेच आरक्षणातील घुसखोरी थांबवण्यासाठी ठोस चळवळ उभी केली जाईल, असा निर्धार सभेत व्यक्त करण्यात आला.
विचार सभेत समाजासमोर असलेले प्रश्न आणि त्यावरील उपाय स्पष्टपणे मांडले गेले. जल, जंगल आणि जमीन यांवरील अतिक्रमणाला विरोध करणे, आरक्षणातील घुसखोरीविरोधात ठाम भूमिका घेणे, भाषा, परंपरा आणि सांस्कृतिक वारसा जतन करणे तसेच केवळ मागण्यांवर न थांबता संघटित संघर्षातून परिवर्तन साधणे या मुद्द्यांवर सर्वांनी एकमत दर्शविले.सभेच्या अखेरीस सामूहिक ठराव घेण्यात आला. प्रा. सुनील भुसारा, नितीन बोंबाडे, ऍड. सुनंदा बेलकर, प्रा. सुधीर भोईर, जेष्ठ लेखक चंद्रकांत घाटाळ, आदिवासी अस्मिता जिल्हाध्यक्ष विलास वांगड, संजय भुयाळ, संजय बोबा, अरविंद बेंडगा, शैलेश तांबडा, सुधीर घाटाळ, रामदास हरवटे आदी मान्यवरांनी मार्गदर्शन केले. त्यांच्या भाषणांतून हक्कांसाठी संघर्ष करा, संघटित व्हा, इतिहास लक्षात ठेवा आणि भविष्य घडवा हा एक निर्णय झाला.
या सभेला गणेश पडवळे, संतोष भावर, संतोष ठाकरे, रुपेश धांगडा, नरेश भगत, मनोज उराडे, सुरेश भोईर, नथु पिलेना, संतोष बोंबाडी, विश्वनाथ मालकरी, प्रमोद सांबरे, किसन बोंबाडी, प्रशील वरठा, सुनील घोष, निर्मला पांढरे यांच्यासह सफाळे व परिसरातील शेकडो ग्रामस्थांनी मोठ्या संख्येने सहभाग नोंदवला. उपस्थितीचे प्रमाण आदिवासी समाजाच्या एकजुटीचे आणि लढाऊ वृत्तीचे प्रतीक ठरले. कार्यक्रमाचे प्रास्ताविक नितीन बोंबाडे यांनी केले. सूत्रसंचालन संजय बोबा यांनी प्रभावीपणे पार पाडले, तर आभार प्रदर्शन संजय भुयाळ यांनी केले. अध्यक्षस्थान प्रा. विलास बेलकर यांनी भूषविले.
सफाळे येथील ही सभा म्हणजे केवळ कार्यक्रम नव्हता, तर आदिवासी समाजाच्या भविष्यासाठी संदेश होता. “आम्ही हक्कांसाठी लढत आलो आहोत, लढत आहोत आणि पुढेही लढत राहू” हा संदेश संपूर्ण जिल्ह्यात दिला.पुढील पिढीस न्याय, इतिहासाची जपणूक आणि संविधानिक हक्कांचे रक्षण यासाठी आदिवासी समाज सज्ज असल्याचे सांगितले.