कळंब बस स्थानकाची स्वच्छता समितीकडून तपासणी
कळंब प्रतिनिधी
कळंब जि.धाराशिव– येथील बस स्थानकाची स्वच्छतेबाबतची उपमहाव्यवस्थापक नियंत्रण समिती क्रमांक १ यांच्या समिती मार्फत दि . २४ नोहेंबर रोजी तपासणी करण्यात आली.
हिंदुरुदय सम्राट बाळासाहेब ठाकरे स्वच्छता मोहिमे २०२५ अंतर्गत कळंब बस स्थानकाची स्वच्छतेबाबतची तपासणी मोहीम राबविण्यात आली .
या तपासणी समितीमध्ये उप महाव्यवस्थापक नियंत्रण समिती क्रमांक १ यांच्या मार्गदर्शनाखाली तपासणी करण्यात आली या तपासणीमध्ये विविध विभागांना भेटी देण्यात आल्या व बस स्थानक स्वच्छता ,प्रवाशांना पिण्याचे पाण्याचा व्यवस्था ,त्याचबरोबर गाड्यांची पार्किंग ,सुलभ शौचालय, बस स्थानकाची रंगरंगोटी आदी बाबी तपासण्यात आल्या.
या नियंत्रण समितीमध्ये मुंबई विभागाचे उपमहाव्यवस्थापक श्रीमती चेतना खिरवाडकर , प्रादेशिक अभियंता विवेक लोंढे , प्रवासी मित्र संघटनेचे प्रा . मोहन जाधव , कळंब तालुका मराठी पत्रकार संघाचे अध्यक्ष विलास मुळीक यांनी या समितीमध्ये काम पाहिले . यावेळी समितीने सर्व परिसराची पाहणी करून समाधान व्यक्त केले . यावेळी त्यांचा प्रभारी आगार प्रमुख बालाजी भारती यांनी समिती प्रमुखांचे स्वागत केले . तर समितीने कर्मचाऱ्याचे यांचे कौतुक केले या स्वच्छता मोहीम तपासणीसाठी प्रभारी आगार प्रमुख बालाजी भारती , वाहतूक निरीक्षक निलेश जाधव ,विलास जाधव, वाहतूक नियंत्रक सुशिल हुंबे ,चेतन गोसावी , एस . व्ही . सारुक , प्रभाकर झांबरे व कार्यालयीन कर्मचारी ,यांत्रिक कर्मचारी यांनी परिश्रम घेतले .
