*अर्हेर नदी घाटातील रेतीचे, रस्त्यावर भरमसाठ ढीगारं …!*
:-अपघाताची शक्यता मात्र स्थानिक प्रशासन निद्रावस्थेत
:-अपघाताची शक्यता मात्र स्थानिक प्रशासन निद्रावस्थेत
✒अमोल माकोडे✒
ब्रम्हपुरी तालुका प्रतिनिधी
ब्रम्हपुरी:- तालुक्यातील अर्हेर नदी घाटावरील अवैध रेती तस्करीची वाहतूक अर्हेर -नवरगाव गावातून ब्रम्हपुरी साठी, मोठ्या प्रमाणात सर्रास होत असून. अवैध रेती तस्कर अर्हेर-नवरगाव नदी घाटातून चोरी केलेली रेती
अर्हेर -ब्रम्हपुरी मुख्य मार्गांलगत खुलेआम
साठवून ठेवत असल्याने अपघाताची भीती वाढली आहे तर स्थानिक महसूल प्रशासन भररस्त्यावर असलेल्या अवैध रेती साठवणुकीबाबत बघ्याची भूमिका घेत असल्याने नागरिक त्रस्त आहेत.
अर्हेर-नवरगाव गावात व गावाच्या बाहेरील रस्त्यावर रेतीचे ढीगार साठवून, मिळेल त्या वेळेत उचल केली जात असल्याने स्थानिक महसूल प्रशासन व पोलीस विभाग निद्रावस्थेत की अर्थपूर्ण व्यवहाराने शांत बसलेत याची खमंग चर्चा सर्वत्र बघायला मिळत आहे.
अर्हेर-नवरगाव नदी घाटावरील अवैध रेती तस्करी संदर्भातील वृत्तपत्रामध्ये वारंवार प्रकाशित होणाऱ्या बातम्यांनी सुद्धा, गेंड्याची कातडी धारण केलेल्या स्थानिक प्रशासनावर कुठलाही प्रभाव होतांना दिसून येत नसून “एन्ट्री” स्वरूपात होणाऱ्या अर्थपूर्ण व्यवहारातून तालुक्यात रेती तस्करांचे हितसंबंध जोपासले जात असल्याचे नागरिकांच्या चर्चेतून निदर्शनास येत आहे.
अवैध दारू तस्करीतून मिळणारी “मिळकत” कमी झाल्याने प्रशासनातील काही लाचखोर अधिकारी, कर्मचारी अवैध रेती तस्करीतून मिळणाऱ्या मिळकतीवर लक्ष ठेऊन रात्रपाळीचे “कर्तव्य बजावत” असल्याने अवैध रेती तस्करीला चालना मिळत असल्याचे सर्वसामान्याकडून चर्चीले आहे.
स्थानिक महसूल विभागातर्फे वारंवार घेण्यात येणाऱ्या “अकार्यक्षम” भूमिकेमुळे तालुक्यात काही अंशी जिल्हा विभागाची झालेली कारवाई बघता, अवैध रेती तस्करीतील अश्या गंभीर प्रकाराला
आळा घालण्यासाठी जिल्हा प्रशासन काय भूमिका घेणार हे पाहणे आता नागरिकांसाठी उत्सुकतेचे ठरणार आहे.
