नागपूर पोलिस कर्मचाऱ्याने घेतला गळफास.

मिळालेल्या माहितीनुसार, हर्षल हे मूळ वरुड येथील रहिवासी होते. प्रसूतीमुळे त्यांच्या पत्नी सध्या कळमेश्वर येथे माहेरी आहेत. हर्षल कळमेश्वर येथून जाणे-येणे करायचे. शुक्रवारी ते कळमेश्वरला गेले नाहीत. शनिवारी दुपारी त्यांच्या पत्नीने हर्षल यांच्या मोबाइलवर संपर्क साधला. मात्र, तो झाला नाही. त्यानंतर हर्षल यांच्या पत्नीने शेजाऱ्याशी संपर्क साधला. हर्षल मोबाइलवर प्रतिसाद देत नसल्याचे सांगितले. शेजारी हर्षलच्या घरी गेला. मुख्य दार बंद होते. शेजारी मागील दारातून घरात गेला. हर्षल गळफास लावलेले त्याला दिसले. शेजाऱ्याने गिट्टीखदान पोलिसांना माहिती दिली. पोलिसांचा ताफा तेथे पोहोचला. पंचनामा करून पोलिसांनी मृतदेह मेयो हॉस्पिटलकडे रवाना केला. हर्षल यांनी आत्महत्येपूर्वी लिहिलेली चिठ्ठी पोलिसांनी जप्त केली. मात्र, यातील मजकूर सांगण्यास पोलिसांनी नकार दिला. गिट्टीखदान पोलिसांनी आकस्मिक मृत्यूची नोंद करून तपास सुरू केला आहे.