चंद्रपूर जिल्ह्यातील सर्व सार्वजनिक क्षेत्रातील शासकीय निमशासकीय, तसेच खाजगी क्षेत्रातील आस्थापण मनुष्यबळाची त्रैमासिक माहिती ईआर-1 सादर करा.
✒मनोज खोब्रागडे✒
चंद्रपूर जिल्हा प्रतिनिधी
चंद्रपूर दि. 25 मार्च:- चंद्रपूर जिल्ह्यातील सर्व सार्वजनिक क्षेत्रातील शासकीय निमशासकीय, तसेच खाजगी क्षेत्रातील आस्थापणांना त्यांच्या आस्थापणेवर असणाऱ्या सर्व कर्मचाऱ्यांची पुरुष / स्त्री व एकूण अशी सांख्यिकी माहिती, प्रत्येक तिमाहीस, विहीत नमुना ईआर-1 मध्ये नियमितपणे, महाराष्ट़्र शासन कौशल्य विकास, रोजगार व अद्योजकता विभागाच्या www.rojgar.mahaswayam.gov.in. या संकेतस्थळावरुन ऑनलाईन पध्दतीने सादर करणे बंधनकारक आहे.
त्यानुसार मार्च 2021 अखेर संपणाऱ्या तिमाहीची नमुना ईआर -1 मधील त्रैमासिक सांख्यिकी माहिती संकलनाचे काम महाराष्ट़्र शासन कौशल्य विकास, रोजगार व उद्योजकता मार्गदर्शन केंद्र, प्रशासकीय भवन, पहीला माळा, हॉल क्र. 5 / 6 चंद्रपूर या कार्यालयाद्वारे ऑनलाईन पध्दतीने सुरू असून या सर्व आस्थापणांनाकडून 100 टक्के प्रतिसाद मिळणे आवश्यक आहे. यास्तव, या सर्व आस्थापणांना या कार्यालयाकडून यापूर्वीच युझर नेम व पासवर्ड देण्यांत आलेले आहेतच. त्याचा वापर करुन प्रत्यकाने www.rojgar.mahaswayam.gov.in या संकेतस्थळावर लॉगीन करावे व आपली अचूक माहिती ऑनलाईन पध्दतीने सादर करावी .
सदरील मार्च 2021 अखेरचे तिमाही विवरणपत्र सादर करण्याची अंतिम तारीख 30 एप्रिल 2021 ही आहे ,याची सर्व आस्थापणांनी नोंद घ्यावी व हे तिमाही विवरणपत्र विहीत मुदतीत ऑनलाईन पध्दतीने सादर करावे व कायद्याचे अनुपालन करुन सहकार्य करावे, तद्तच प्रत्येक आस्थापणेने आपला नोंदणी तपशील देखील आवश्यक ती सर्व माहिती नोंदवून तात्काळ अद्ययावत करावा, असे आवाहन सहाय्यक आयुक्त भैय्याजी येरमे, जिल्हा कौशल्य विकास, रोजगार व अद्योजकता मार्गदर्शन केंद्र यांनी केले आहे.
या संदर्भात कोणत्याही स्वरुपाचे सहकार्य अथवा माहिती आवश्यक असल्यास, ई-मेल आयडी chandrapurrojgar@gmail.com/asstdiremp.chandrapur@ese.maharashtra.gov.in यावर आपला उद्योजक नोंदणी क्रमांक व इतर सर्व आवश्यक तपशीलसह संपर्क साधल्यास, सर्वतोपरी सहकार्य करण्यात येईल, असेही त्यांनी कळविले आहे.
