सामूहिक बलात्काराच्या घटनेने नागपुर हादळले, गुंगीचे औषध देऊन नराधमांनी केला मुलीबरोबर सामूहिक बलात्कार.
✒युवराज मेश्राम ✒
नागपुर जिल्हा प्रतिनिधी
📱9923296442
नागपूर :- सामूहिक बलात्काराच्या घटनेने नागपुर हादळले आहे. त्यामूळे सर्वीकडे संताप व्यक्त करण्यात येत आहे. नागपुर शहरातील अंबाझरी पोलीस ठाण्याच्या हद्दीत राहणा-या एका मुली बरोबर काही नराधमांनी सामुहिक अत्याचार केला त्यामूळे एकच खळबळ माजली आहे.
आज मोठ्या प्रमाणात महिला अत्याचाराचे सत्र नागपुर मधून समोर येत आहे. प्राप्त माहितीनुसार काही दिवसांअगोदर फेसबुकवरुन एका तरुणीची ओळख एका मुला बरोबर झाली होती. त्यात ते दोघे भेटायचा उद्देश्याने दोन फेब्रुवारी रोजी कॅम्पस चौकातून त्या मित्राने आपल्या दुचाकीवरुन तरुणीला घेउन. तिला जाफरनगर ले-आऊट भागातील एका फ्लटमध्ये घेऊन गेला. तिथे त्याने तिच्यावर बळजबरी अत्याचार केला. बलात्कार करण्यापूर्वी त्या तरुणीला गुंगीचे औषध दिले होते. काही वेळाने तिथे त्याचा एक दुसरा मित्र आला. त्यानंतर चार-पाच जण तिथं आले. त्यांनी तिच्यावर बळजबरी केली. त्यामुळं युवती प्रचंड घाबरली होती. त्यानंतर तरुणीला सीताबर्डी भागात सोडून दिले. परत दुसर्‍या दिवशीसुद्धा तिला जाफरनगर भागात घेऊन जाऊन सामूहिक अत्याचार करण्यात आला. अत्याचार करण्यापूर्वी आरोपींनी दारूची पार्टी केली होती. तिच्यावर दुसर्‍यांदा सामूहिक अत्याचार झाल्यानंतर ती घरी गेली.
घरी गेल्यावर तिची तब्येत अचानक बिघडली तिच्या पोटात दुखायला लागले. कुटुंबीयांनी तिला खासगी रुग्णालयात नेले. तपासानंतर तिच्यावर बळजबरी करण्यात आल्याचे डॉक्टरांनी सांगितले. त्यावेळी कुटुंबीय चिंताग्रस्त झाले. पीडितेने गुरुवारी सायंकाळी अंबाझरी पोलीस ठाण्यात तक्रार केली. तक्रारीवरून पोलिसांनी गुन्हा दाखल केला. सामूहिक अत्याचाराची माहिती मिळताच डीसीपी विनिता साहू याही ठाण्यात पोहचल्या. पीडितेकडून घटनेची माहिती घेतली. तिने दिलेल्या माहितीनुसार, दोन मुले जाफरनगर तर दोन मुले बजेरिया येथील रहिवासी आहेत. गुन्हे शाखा आणि पोलिसांचा डीबी स्वॅड आरोपींच्या शोध घेत आहे.
