अहमदनगर धर्मांतरासाठी तरुणाकडून 15 वर्षांच्या अल्पवयीन मुलीवर जबरदस्ती; मुलीने केली आत्महत्या.
धर्मांतरासाठी तरुणाने दबाव टाकल्यानेच मुलीने 3 दिवसांपूर्वी आत्महत्या केल्याचा आरोप पीडितेच्या आईने केला आहे. अहमदनगरमधील तारकपूर परिसरात ही घटना घडली होती. पोलिसांनी आरोपीला अटक केली आहे.
लॉकडाऊन सुरू झाल्यानंतर देखील त्याने फोन करून माझ्या पतीला धमकी दिली होती. तसेच मुलीने सोहेल याच्याविरोधात ‘चाइल्ड लाइन’मध्येही तक्रार केली होती. गेल्या दोन महिन्यांपासून माझी मुलगी खूप अस्वस्थ होती. ती कोणाशी जास्त बोलत नव्हती. तिने आमच्या नातेवाइकांच्या घरी लग्नसोहळ्यात 24 नोव्हेंबरला मावस भावासोबत फोटो काढले होते. हे फोटो सोशल मीडियावर अपलोड केले. त्यावरून सोहेल याने त्याला देखील मेसेज करून शिवीगाळ केली होती. याबाबत माझ्या भाच्याने मला सांगितले होते. तसेच माझ्या भावाच्या मुलीला देखील माझ्या मुलीने सांगितले होते की, ‘सोहेल मला त्रास देत आहे. तो माझ्याशी नेहमी भांडतो. त्यानंतर 25 नोव्हेंबरला माझ्या मुलीने घरामध्ये आत्महत्या केली,’ असे तक्रारीत म्हटले आहे. या प्रकरणी काल, शुक्रवारी रात्री उशिरा तोफखाना पोलीस ठाण्यात गुन्हा दाखल करण्यात आला असून, आरोपीला अटक करण्यात आली आहे.