सौन्दड लोहिया विद्यालयात महात्मा ज्योतिबा फुले पुण्यतिथी साजरी.
जिल्हा प्रतिनिधी
सौन्दड/गोंदिया:- जिल्हातील सौन्दड येथिल रामेश्वरदास जमनादास लोहिया माध्यमिक व उच्च माध्यमिक विद्यालय ,सौन्दड येथे महात्मा ज्योतिबा फुले पुण्यतिथी साजरी करण्यात आली. कार्यक्रमाचे अध्यक्ष मा. मधुसूदन अग्रवाल, प्राचार्य, प्रमुख अतिथी मुख्याध्यापक मनोज शिंदे व पर्यवेक्षिका सौ.कल्पना काळे यांनी महात्मा ज्योतिबा फुले यांच्या प्रतिमेचे पूजन करून माल्यार्पण केले. कार्यक्रमाचे अध्यक्ष मा. मधुसूदन अग्रवाल, प्रमुख अतिथी मुख्याध्यापक मनोज शिंदे, पर्यवेक्षिका सौ.कल्पना काळे तसेच स.शिक्षिका कु.लता हटकर यांनी महात्मा ज्योतिबा फुले यांच्या जीवन कार्यावरून विद्यार्थ्यांना सखोल मार्गदर्शन केले .
कार्यक्रमात कोविड-19 च्या नियमांचे तंतोतंत पालन करण्यात आले.दोन मिनिटांचे मौन ठेऊन या थोर आत्म्यास श्रद्धांजली अर्पण करण्यात आली.कार्यक्रमाला विद्यार्थी व शिक्षक-शिक्षकेत्तर कर्मचारी उपस्थित होते.कार्यक्रमाचे संचालन शिक्षिका कु.यु.बी.डोये यांनी केले तर आभार शारीरिक शिक्षक श्री.सुधाकर पवार यांनी मानले.
