शासन परिपत्रकानुसार 28 सप्टेंबर रोजी आंतरराष्ट्रीय माहिती अधिकार दिवस साजरा करावा माहिती अधिकार कार्यकर्ता महासंघाचे जिल्हाधिकाऱ्यांना निवेदन
जळगांव प्रतिनिधी :खंडू महाले मो.7796296480
जळगाव – माहिती अधिकार अधिनियम 2005 हा कायदा देशभरात दिनांक 12/ 10 / 2005 पासून लागू करण्यात आलेला आहे . महाराष्ट्र शासनाने वेळोवेळी जाणीवपूर्वक उचललेल्या पावलांमुळे अल्पावधीतच महाराष्ट्र राज्यात हा कायदा लक्षणीय स्वरूपात लोकाभिमुख झालेला आहे , तरी देखील नजीकच्या काळात कोविड मुळे व अधिकारी वर्गाच्या उदासीनतेने आपल्या जिल्ह्यात दिनांक 28 सप्टेंबर हा दिवस आंतरराष्ट्रीय माहिती अधिकार दिन म्हणून लुप्त होत चाललेला आहे . जळगाव जिल्ह्यातील माहिती अधिकार अधिनियम 2005 या कायद्याच्या व्यापक प्रसिद्धीकरता व प्रभावी अंमलबजावणी करिता जिल्हास्तरावर सर्वतोपरी उपाययोजना करण्यात याव्यात . शासन परिपत्रकानुसार दिनांक 28 सप्टेंबर रोजी जळगाव जिल्ह्यातील सर्व शासकीय कार्यालयांमध्ये आंतरराष्ट्रीय माहिती अधिकार दिन साजरा करण्यात यावा . तसेच या दिवशी माहिती अधिकार कायद्यातील तरतुदी आणि कार्यपद्धती बाबतची माहिती विविध माध्यमातून व्यापक प्रसिद्धी देऊन व विविध उपक्रम राबवून जळगाव जिल्ह्यातील जास्तीत जास्त नागरिकांपर्यंत व शासकीय कर्मचाऱ्यांपर्यंत पोहोचवावी .
यासाठी जिल्ह्यातील सर्व प्राथमिक शाळा महाविद्यालय विद्यापीठे उच्च व तंत्रशिक्षण विभाग व इतर शैक्षणिक संस्थांमध्ये माहिती अधिकार या विषयावर आधारित निबंध स्पर्धा चित्रकला स्पर्धा वकृत्व स्पर्धा चर्चासत्र व्याख्यानमाला अधिक कार्यक्रमांचे आयोजन करावे . सर्व शासकीय कार्यालयात माहिती अधिकार कार्यकर्ता महासंघ जळगाव जिल्ह्यातील कार्यकर्ते व अशासकीय समाजसेवी संस्था व सामाजिक संस्था यांचे मदतीने प्रत्येक कार्यालयातील माहिती अधिकार कायदा व अधिनियम 2005 चे प्रशिक्षण चर्चासत्र व्याख्यानमाला आयोजित करण्यात याव्यात . या सर्व मागण्यांसाठी उचित आदेश पारित करावेत असे निवेदन माहिती अधिकार कार्यकर्ता महासंघाच्या वतीने आज जिल्हाधिकारी अभिषेक राऊत यांना देण्यात आले . निवेदन देताना माहिती अधिकार कार्यकर्ता महासंघाचे जिल्हा उपाध्यक्ष अमोल कोल्हे , जिल्हा संघटक नरेंद्र सपकाळे , रावेर तालुका अध्यक्ष महेश लोखंडे , चोपडा तालुका अध्यक्ष गुणवंतराव सोनवणे , जळगाव शहर प्रचार प्रमुख राजेश खडके , जळगाव शहर सह प्रचार प्रमुख चंद्रकांत श्रावणे , जळगाव तालुका संघटक भिकन चौधरी , जळगाव तालुका उपप्रचार प्रमुख विठ्ठल भालेराव आधी कार्यकर्ते उपस्थित होते .
