ठाण्यात सेप्टिक टँकमध्ये पडून सहा वर्षांच्या चिमुकल्याचा मृत्यू
ठाण्यातील मुंब्रा येथे ड्रेनेजच्या सेप्टिक टँकमध्ये पडून सहा वर्षांच्या मुलाचा मृत्यू झाला. शिमला पार्क परिसरात ही दुर्दैवी घटना घडली. खेळताना हा मुलगा टँकमध्ये पडला असावा, असा प्राथमिक अंदाज व्यक्त करण्यात आला आहे.
अग्निशमन दलाच्या अधिकाऱ्यांनी दिलेल्या माहितीनुसार, घटनेबाबत रात्री नऊच्या सुमारास माहिती मिळाली. बचाव पथकातील कर्मचाऱ्यांनी मुलाचा शोध घेतला. त्याला तात्काळ रुग्णालयात नेण्यात आले. मात्र, त्याला मृत घोषित केले.