स्वच्छता राखणे हा स्वावलंबनाचा एक भाग : डॉ. अशोक जीवतोडे
🖋️ अश्विन गोडबोले
चंद्रपूर जिल्हा प्रतिनिधी
📱 8830857351
चंद्रपूर : 3 ऑक्टोबर
स्वच्छता राखणे हा मनुष्याच्या अंगी असलेला सदगुण आहे. दैनंदिन स्वभावात तो आणला तर स्वावलंबनाचा एक भाग बनून जातो. वर्षभरच नियमितपणे आपल्या आसपासच्या परिसराची स्वच्छता राखली जावी, नवीन पिढीने स्वच्छता ही सवय बनवावी, असे आवाहन भाजप नेते डॉ. अशोक जीवतोडे यांनी केले.
राष्ट्रपिता महात्मा गांधी यांच्या जयंती निमित्त केंद्र शासनाच्या निर्देशानुसार ‘स्वच्छता ही सेवा’ पंधरवाडा अंतर्गत देशाचे पंतप्रधान नरेंद्र मोदी, यांच्या आवाहनाला प्रतिसाद देवून स्वच्छता अभियान राबविण्यात आले. हे अभियान रविवारी स्थानिक नागपूर महामार्गावर सकाळी 8 ते 9 वाजेदरम्यान चालले. डॉ. अशोक जीवतोडे यांचे सोबत करण्यात आलेल्या सदर स्वच्छता अभियानादरम्यान श्रमदान करून सार्वजनिक परिसर स्वच्छ करण्यात आला व स्वच्छतेचे महत्व पटवून देण्यात आले.
राष्ट्रपिता महात्मा गांधी यांच्या जयंतीचे औचित्य साधून 2 ऑक्टोबर हा दिवस स्वच्छ भारत दिवस म्हणून साजरा केला जातो. यावर्षी स्वच्छ भारत दिवस 2023 च्या निमित्ताने 15 सप्टेंबर ते 2 ऑक्टोबर या कालावधीत स्वच्छता ही सेवा हा उपक्रम स्वच्छ भारत मिशन ग्रामीण व शहरी यांच्या संयुक्त विद्यमाने राबविण्यात येत आहे. 1 ऑक्टोबर रोजी देशभरात प्रत्येक गावात, शहरात व्यापक स्वरूपात एक तारीख-एक तास स्वच्छतेसाठी श्रमदानातून स्वच्छता मोहीम राबविण्यात येत आहे, हे विशेष.
यावेळी डॉ. अशोक जीवतोडे यांच्यासह दादा दहेकर, मनोहर गाठे, सचिन दिघाडे, प्रवीण दिघाडे, नितीन कुकडे, प्रकाश गाठे, शामराव बदकुलवार, मधुकर हिरादेवे, सतीश बिजेवार, गोपाळ वाटेकर, अनिल काळे, प्रवीण साखरकर, डॉ. आशीष महातळे, रवी देवाळकर, किशोर ठाकरे, रविकांत वरारकर आदी शेकडोच्या संख्येने उपस्थित होते.
