भाईंदरच्या उत्तनमधील 15 वर्षांच्या अल्पवयीन मुलीवर सामूहिक बलात्कार.
भाईंदरच्या उत्तनमधील 15 वर्षांच्या तरुणीवर तिघांनी सामूहिक बलात्कार केल्याची धक्कादायक घटना मंगळवारी रात्री घडली. याप्रकरणी तीन आरोपींना पोलिसांनी अटक केली असून त्यांच्या विरोधात गुन्हा दाखल केला आहे.
भाईंदर:- च्या उत्तनमधील 15 वर्षांच्या तरुणीवर तिघांनी सामूहिक बलात्कार केल्याची धक्कादायक घटना मंगळवारी रात्री घडली. याप्रकरणी तीन आरोपींना पोलिसांनी अटक केली असून त्यांच्या विरोधात गुन्हा दाखल केला आहे.उत्तनमध्ये मासळी सुकविण्यासाठी असणाऱ्या मोकळ्या जागेत पीडित मुलगी मैत्रीण आणि दोन मित्रांसोबत मंगळवारी रात्री 11.30 वाजताच्या सुमारास गप्पा मारत बसली होती. त्यावेळी तीन अनोळखी व्यक्ती तिथे आले व त्यांनी काही न बोलता शिवीगाळ करत पीडित तरुणीच्या मित्रांना मारहाण करण्यास सुरुवात केली. त्यामुळे दोन मित्रांनी तेथून पळ काढला तर पीडितेच्या मैत्रिणीचाही त्यांनी हात पकडण्याचा प्रयत्न केला. परंतु ती त्यांच्या तावडीतून सुटली. पीडित तरुणी तिथून पळून जाण्याच्या प्रयत्नात असतानाच एका तरुणाने पकडून तिला एका कोपऱ्यात नेऊन खाली पडले. त्यानंतर तिघांना पीडित तरुणीवर लैंगिक अत्याचार केले. तरुणीने आरडाओरड करू नये यासाठी तिचे तोंडही दाबून ठेवण्यात आले होते. याप्रकरणी पीडित तरुणीच्या माहितीनुसार उत्तन सागरी पोलिस ठाण्यात गुन्हा दाखल करण्यात आला आहे. तसेच तिन्ही आरोपींना पोलिसांनी अटक करून बुधवारी न्यायालयात हजर केले.