पोलीस कर्मचाऱ्यांच्या वाहनांचा आमोरासमोर भीषण अपघात
एका तरुणाचा जागीच मृत्यू, तर दोन पोलीस गंभीर जखमी
✍️ भवन लिल्हारे जिल्हा प्रतिनिधी भंडारा📱 मो.नं.9373472847📞
भंडारा : दिनांक २२ एप्रिल २०२४ रोजी भंडारा जिल्ह्यातील दवडीपार गावाजवळ रात्रीच्या सुमारास घडलेली घटना, पोलीस कर्मचाऱ्यांच्या वाहनाला समोरून येणाऱ्या भरधाव वाहनाने जोरदार धडक दिली आहे. दोन भरधाव वाहन अचानक आमोरासमोर आल्याने झालेल्या या भीषण अपघातात एका तरुणाचा मृत्यू झाला. तर, दोन पोलीस कर्मचारी गंभीर स्वरूपात जखमी झाल्याची माहिती हाती आली आहे. ही घटना भंडाऱ्याच्या दवडीपार गावाजवळ काल २२ एप्रिल २०२४ च्या मध्यरात्रीच्या सुमारास घडली. हा अपघात एवढा भीषण होता की, दुचाकीचा अक्षरशः चक्काचूर झाला आहे.
अपघातात कुणाल सुरमवार (वय ३० वर्ष, रा. अड्याळ) असं मृतक तरुणाचं नावं आहे. तर जखमी पोलीस कर्मचाऱ्यांमध्ये दिनेश बागडे (वय २९ वर्ष ) आणि मुकेश पांडेकर (वय ४० वर्ष ) यांचा समावेश असून त्यांच्यावर भंडारा शहरातील खासगी रुग्णालयात उपचार सुरू आहे. या अपघाताची माहिती मिळातच पोलिसांनी तात्काळ घटनास्थळी धाव घेतली. त्यानंतर पुढील कारवाई सुरू करत या प्रकरणी कारधा पोलिसांनी संशयित आरोपी पोलीस कर्मचारी मुकेश पांडेकर याच्या विरुद्ध विविध कलमान्वये गुन्हा दाखल केला आहे.
*एका तरुणाचा जागीच मृत्यू, तर दोन पोलीस कर्मचारी गंभीर*
मुकेश पांडेकर हे पवनी येथे उपविभागीय पोलीस अधिकारी यांच्या कार्यालयात पोलीस नाईक या पदावर कार्यरत आहे. तर दिनेश बागडे हे पवनी पोलीस ठाण्यात पोलीस शिपाई या पदावर कार्यरत आहेत. पांडेकर हे पवनी इथून त्यांच्या फोरव्हील्हर गाडीनं भंडाराकडे येत होते. तर दिनेश बागडे हे त्यांचा मित्र मृतक कुणाल सुरमवार यांच्यासह नागपूर इथून पवनीकडे पोलीस गस्त दुचाकीने जात असताना हा भीषण अपघात घडला. हा अपघात इतका भीषण होता की या अपघातात दोन्ही वाहनांचे मोठ्या प्रमाणात नुकसान झाले आहे. या प्रकरणाचा अधिक तापस सध्या कारधा पोलीस करत आहेत.
