विदेशी प्रतिनिधी सहभागी झाले लोकशाहीच्या उत्सवात
पेण व अलिबाग तालुक्यातील मतदान केंद्रावर जाऊन अनुभवली निवडणूक मतदान प्रक्रिया
✒️संदेश साळुंके
कर्जत रायगड प्रतिनिधी
📞9011199333
रायगड :-दि ०७:–लोकसभा सार्वत्रिक निवडणूक पाहणीसाठी जिल्ह्यात आगमन झालेल्या विदेशी प्रतिनिधी मंडळातील सदस्यांनी आज पेण व अलिबाग तालुक्यातील वेगवेगळ्या मतदान केंद्रावर प्रत्यक्ष जाऊन लोकशाहीच्या उत्सवात सहभागी होत निवडणूक मतदान प्रक्रिया जवळून अनुभवली. विदेशी प्रतिनिधी मंडळातील बांग्लादेशचे 2 प्रतिनिधी महंमद मोनिरुझ्झमन टी , जी एम शाहताब उद्दीन (बांग्लादेश निवडणूक आयोग अधिकारी) कझाकिस्तान देशाचे 2 प्रतिनिधी नुरलान अब्दिरोव, आयबक झीकन(केंद्रीय निवडणूक आयोग कझाकीस्तान), श्रीलंका देशाच्या सिलया हिलक्का पासिलीना(संचालक श्रीलंका) झिम्बाबे देशाचे न्यायमूर्ती प्रिशीला चिगूम्बा आणि सिम्बराशे तोंगाई (केंद्रीय निवडणूक आयोग झिम्बाबे) हे सातही सदस्य आजच्या मतदान पाहणी दौऱ्यात सहभागी झाले होते.
मतदान प्रक्रिया सुरु होण्यापूर्वी मतदान यंत्राची अंतिम पडताळणी करण्यासाठी होणारे ‘मॉक पोल’ पाहण्यासाठी सकाळी ५ वाजल्यापासून सर्व विदेशी प्रतिनिधींचा ताफा वेगवेगळ्या मतदान केंद्रावर पोहचला होता. या मतदान प्रक्रियेच्या शुभारंभाची माहिती जाणून घेण्यासाठी उत्सुकतेने भेट देऊन प्रतिनिधींनी समाधान व्यक्त केले. यावेळी ‘मॉक पोल’ ईव्हीएम मशीनची विश्वाहार्यता आणि पारदर्शकता ह्यासाठी हि अत्यंत उपयुक्त असल्याची प्रतिनिधींनी तशा नोंदी करून घेतल्या.
मतदान केंद्रात मतदानासाठी येणाऱ्या मतदारांनी विदेशी पाहुण्यांनी भारतीय पद्धतीने नमस्कार करून गाईडच्या माध्यमातून संभाषण केले. पारंपारीक पध्दतीने केलेल्या स्वागताचा आनंद त्यांच्या चेहऱ्यावर दिसून येत होता. जिल्ह्यातील मतदान केंद्रावर जाऊन तेथील निवडणूक प्रक्रिया व परीस्थितीचा बारकाईने माहिती घेतली.
प्रत्येक मतदान केंद्रावर केलेली जय्यत तयारी, दिव्यांगांसाठी व ज्येष्ठ नागरिकांसाठी केलीली विशेष व्यवस्था, महिला किंवा तरुणांचे विशेष केंद्र, सेल्फी पॉईंट, फर्स्ट एड किट सारख्या अनेक बाबी प्रतिनिधींना भारावून टाकणाऱ्या होत्या. मतदानासाठी उत्साहाने आलेल्या मतदारांचा उत्साह त्यांनी आपल्या मोबाईलमध्ये टिपून ठेवला आहे. काही ठिकाणी तयार करण्यात आलेल्या सखी मतदान केंद्र, युवा मतदान केंद्र, आदर्श मतदान केंद्र, दिव्यांग स्वयंचलीत मतदान केंद्रावर भेट देऊन मदान केंद्रावर उपस्थित असलेल्या अधिकारी व कर्मचाऱ्यांशी चर्चा केली. आकर्षक पद्धतीने बनविलेल्या सेल्फी पाॅईन्टवर फोटो काढीत लोकशाहीच्या उत्सवात सहभागी झाले होते.
मतदानाची टक्केवारी वाढावी म्हणून मतदारांसाठी स्वीप उपक्रम, मतदान केंद्रावर प्राथमिक उपचार, यांची माहिती मतदान अधिकारी कर्मचारी, आरोग्य सेविका व आरोग्य कर्मचारी यांच्याशी हितगूज करीत त्यांच्याकडून घेताना दिसून आले. निवडणूक कशा पद्धतीने पार पाडली जाते, यासाठी दोन दिवस निवडणूक कामकाज आणि मतदान प्रक्रियेचे जवळून अनुभव घेतले.
