रायगड जिल्हा परिषदेला उशिरा आली जाग
१२ ग्रामपंचायत अधिकाऱ्यांना अनेक वर्षाच्या प्रतीक्षेनंतर बढती
रत्नाकर पाटील
रायगड ब्यूरो चीफ
९४२०३२५९९३
अलिबाग :- रायगड जिल्हा परिषदेचे अंतर्गत येणाऱ्या १५ तालुक्यातील ग्रामपंचायत मध्ये सेवा बजावणारे अनेक ग्रामविकास अधिकारी यांना भरती मिळत नसल्याने ग्रामविकास अधिकारी ग्रामपंचायत अधिकारी या पदावर कायम होते. मात्र निवृत्तीच्या वाटेवर असलेल्या रायगड जिल्ह्यातील १२ग्राम विकास अधिकारी यांना आता काही महिन्यासाठी बडती देण्यात आली आहे. दरम्यान गेल्या ६वर्षात त्यापैकी एकाही ग्रामविकास अधिकाऱ्याला पंचायत समिती स्तरावरील विस्तार अधिकारी पदावर भरती मिळालेली नव्हती. मात्र जिल्हा परिषदेचे मुख्य कार्यकारी अधिकारी यांच्याकडून अशा ज्येष्ठ ग्रामपंचायत अधिकाऱ्यांना निवृत्तीच्या वाटेवर असताना मानाचे पान देण्यात आल्याने १४ पैकी १२ अधिकारी सामान्य झाले.
रायगड जिल्ह्यामध्ये पदोन्नती मधून भरावयाची जवळपास १४ विस्तार अधिकारी पदे रिक्त होती त्या पदांसाठी दावेदार असलेल्या ग्रामपंचायत अधिकारी त्यांच्या बडत्या मागील सहा वर्षात झालेल्या नव्हत्या. त्याशिवाय ग्रामपंचायत विस्तार अधिकारी यांची पदे देखील रिक्त होती. रायगड जिल्ह्यातील अनेक ज्येष्ठ आणि निवृत्तीच्या मार्गावर असलेले ग्रामपंचायत अधिकारी, अतिरिक्त गटविकास अधिकारी यांच्या दर्जाची वेतनश्रेणी मिळवत होते.मात्र ते सर्व गेली सहा वर्ष ग्रामपंचायत अधिकारी पदावर कायम होते. त्यामुळे त्यांच्यावर होणारा अन्याय शासनाने दूर करावा अशी मागणी ग्रामसेवक संघटनेने केली आहे. प्राधान्याने लक्ष घालून विस्तार अधिकारी पदोन्नती हा विषय तात्काळ मार्गी लावावा अशी मागणी ग्रामविकास अधिकारी संवर्ग संघटनेच्या वतीने अनेक वेळा केली जात होती. मागील एक वर्षापासून काही पदे रिक्त असून भरली जात नव्हती. तर पदोन्नतीच्या प्रतीक्षेत असलेले ग्रामपंचायत अधिकारी सेवानिवृत्त होण्याची वाट जिल्हा परिषद बघत आहे काय असा प्रश्न निवृत्तीच्या वाटेवर असलेल्या ग्रामपंचायत अधिकारी यांच्याकडून उपस्थित केला जात होता.
निवृत्त होत असलेल्या ग्रामविकास अधिकारी ग्रामपंचायत अधिकारी हे विस्तार अधिकारी आणि अतिरिक्त गटविकास अधिकारी होणार का? असा प्रश्न कायम आहे ग्रामसेवकांची ग्रामविकास अधिकारी म्हणून पदोन्नती मार्गी लावण्याची मागणी अखेर रायगड जिल्हा परिषद चे मुख्य कार्यकारी अधिकारी डॉक्टर भरत बाष्ठेवाड यांनी मान्य केली आहे.
*बढती मिळालेले अधिकारी*
वैभव ठाकूर, नारायण केळी, विनोद चांदोरकर, विजय राजपूत, एस.के. भगत, राजेंद्र डोंगरे, विलास कांबळे, बाबुराव वनवे, नरेश भोनकर, रामलाल चौधरी, मोहन देवकर, नितीन खैरे
