अलिबाग मध्ये महाविकास आघाडीचा बाईक रॅलीतून प्रचार

अलिबाग मध्ये महाविकास आघाडीचा बाईक रॅलीतून प्रचार

शेकडो कार्यकर्ते झाले रॅलीमध्ये सहभागी

अँड.रत्नाकर पाटील

रायगड ब्युरो चीफ

९४२०३२५९९३

 अलिबाग:- अलिबाग नगरपरिषद निवडणूकीच्या पार्श्वभूमीवर महाविकास आघाडीतील शेकाप व काँग्रेसच्या कार्यकर्त्यांनी अलिबाग शहरात बाईक रॅली काढली. शेकाप भवन येथून सुरु झालेल्या या रॅलीत उमदेवारांसह शेकडो कार्यकर्ते सहभागी झाले होते. एक वेगळा उत्साह यानिमित्ताने पहावयास मिळाला. अलिबागचे माजी नगराध्यक्ष प्रशांत नाईक तसेच नगराध्यक्षपदाच्या उमेदवार अक्षया नाईक यांच्या नेतृत्वाखाली ही रॅली संपूर्ण शहरातून काढण्यात आली.

     महाविकास आघाडीच्या नगराध्यक्षपदाच्या उमेदवारांसह नगरसेवकपदाचे उमेदवार आणि शेकाप व काँग्रेसचे पदाधिकारी कार्यकर्ते एकत्र येऊन निवडणूकीच्या प्रचारार्थ सायंकाळी त्यांनी बाईक रॅली काढली.

       शेतकरी भवन येथून सुरू झालेली रॅली ठिकरूळ नाका, शिवलकर नाका, मांडवी मोहल्ला, जलसापाडा, शास्त्रीनगर, सिध्दार्थ नगर, , बाजारपेठ, मारूती नाका, बालाजी नाका, छत्रपती शिवाजी महाराज चौक, भगवान महावीर चौक, ब्राह्मण आळी, श्रीराम मंदिर, तळकरनगर, रामनाथ, महेश टॉकीज, चेंढरे येथील मारुती नाका, रायवाडी, श्रीबागमधील अंबा माता मंदिर, गणपती मंदिर त्यानंतर रॅलीचा शेवट पुन्हा शेतकरी भवन येथे झाला.

        महाविकास आघाडीतील शेकाप व काँग्रेसचे प्रभाग दोनमधील उमेदवार प्रशांत नाईक यांची बिनविरोध निवड झाली आहे. आता निवडणूकीच्या रिंगणात महाविकास आघाडीतील शेकाप व काँग्रेसचे थेट नगराध्यक्षपदाच्या उमेदवार अक्षया नमिता प्रशांत नाईक, नगरसेवकपदासाठी प्रभाग एकमधून संतोष मधूकर गुरव, संध्या शैलेश पालवणकर, प्रभाग दोनमधून सुषमा नित्यानंद पाटील, प्रभाग तीनमधून साक्षी गौतम पाटील, आनंद अशोक पाटील, प्रभाग चारमधून रेश्मा मनोहर थळे, महेश वसंत शिंदे, प्रभाग पाचमधून निवेदिता राजेंद्र वाघमारे, समिर मधूकर ठाकूर, प्रभाग सहामधून ऋषीकेश रमेश माळी, अश्वीनी ठोसर, प्रभाग सातमधून अॅड, मानसी संतोष म्हात्रे, अभय म्हामुणकर, प्रभाग आठमधून अॅड. निलम किशोर हजारे, अनिल चोपडा, प्रभाग नऊमधून योजना प्रदिप पाटील, सागर शिवनाथ भगत, प्रभाग दहामधून शैला शेषनाथ भगत, वृषाली महेश भगत हे उमेदवारांसह, अँड. गौतम पाटील, शेकाप तालुका चिटणीस सुरेश घरत आदी पदाधिकारी यांच्यासह हजारोच्या संख्येने कार्यकर्ते, तरुण मंडळी, महिला, तरुणी सहभागी झाले होते. अलिबागचे माजी नगराध्यक्ष प्रशांत नाईक यांच्या नेतृत्वाखाली काढण्यात आलेल्या या रॅलीला उत्स्फुर्त प्रतिसाद मिळाला. रॅलीच्या माध्यमातून मतदारांपर्यंत पोहचून मतदान करण्याचे आवाहन करण्यात आले. रॅलीतील उत्स्फुर्त प्रतिसादामुळे ही निवडणूक महाविकास आघाडीच जिंकणार असा विश्वास अनेकांनी व्यक्त केला.

       यावेळी सुप्रिया पाटील,नृपाल पाटील, चित्रलेखा पाटील, प्रदिप नाईक, काँग्रेसचे सुनील थळे, रवि ठाकूर, पिंट्या तथा अमिर ठाकूर, आदी असंख्य पदाधिकारी व कार्यकर्ते उपस्थित होते.